VOV4.K’ho - Pria\ đèng geh tus dùl bơnah ua\ ngan tàm kờp jơh khà pria\ lơh sa ka\ bro bơh mpồl lơh sa ka\ bro. Den tàng, ala\ mpồl lơh sa ka\ bro, anih lơh sa tàm Daklak neh mut lơh ala\ broa\ lơh tềm pềr đèng nàng tơmù bà khà pria\, tơngguh cồng nha lơh sa ka\ bro.

Kong ti Bièr Sài Gòn-Daklak la mpồl lơh sa ka\ bro geh khà ngui ồs đèng ua\ ngan rlau jơh tu\ do tàm càr Daklak. Nàng tơmù pria\ ngui đèng, tàm nam pa do, Kong ti neh lơh niam wơl ma\y mok phan ngui đèng jat broa\ lơh tềm pềr, tàm hơ\ geh ngui bơnha\ nhơm cờ` rơng glak nàng tơngguh cồng nha pràn, tơmù tu\ jiơ lơh broa\. Ma\y mok lơh broa\ kung geh ala\ bơta lơh niam wơl, sang ala\ lơh ờ tờm tàm tu\ lơh broa\, bơsong, lơh kloh jơh nàng ala\ chế phẩm, ờ tơlik bơsong ròt bơsong dà sang tơlik. Bơh hơ\ geh tơmù khà ồs đèng ngui. Bal mờ hơ\, mpồl kung geh ngui broa\ lơh ngui đèng Led cao áp tàm hìu lơh broa\ mờ pờ àng tàm blàng hìu lơh broa\, pah nam kung tềm pềr tus mờr 80 tơlak pria\. Broa\ lơh tơn ruk lơyah broa\ lơh kloh tềng anih tru\ gơ gơs ka`, pah nam kung tềm pềr tus di 280 tơlak pria\.

Hala bè Kong ti TNHH lơh gơs mờ broa\ lơh drơng ala Dak Hải tàm Khu tiểu thủ công nghiệp [òn dờng Buôn Ma Thuột, mờng lơh gơs ala\ phan bơh kim loại lơh lài bè ala\ phan crap ma\y mok drơng broa\ lơh sa suơn sre, ala\ phan bơka tàm dơlam hala bơdĩh hìu tàm lơh hìu đam hala bơt bơtàu. Ua\ ngan ala\ ma\y mok bơh Kong ti drờm geh lơh broa\ mờ ồs đèng. Jơh ala\ hìu  lơh broa\ Kong ti dê drờm ngui ồs đèng pờ àng mang kung bè ngai, den tàng  khà ngui đèng la dờng ngan. Den tàng, Kong ti neh ngui ala\ broa\ lơh tềm pềr đèng kờ` tơmù bà khà pria\ tàm broa\ lơh sa. Bal mờ broa\ sền wơl, lơh niam wơl jơh ròt gùng che ồs đèng neh ờ niam tai, tam gơl pa ala\  bong đèng neh klar mờ ma\y mok công nghệ lài do, crap slo àng nàng ala àng mờ bong đèng. Ồng Nguyễn Văn Phan-Kuang atbồ Kong ti TNHH lơh sa mờ broa\ lơh drơng ala Dak Hải ai git, kơnờm geh ngui broa\ lơh do, pah nhai mpồl lơh sa ka\ bro tềm pềr geh bơh 25 tus 30 tơlak pria\ ngui ồs đèng:

            Ala\ ròt ma\y tablo, ala\ ròt ma\y CP den oh mi geh lơh niam wơl is mờ crap pa wơl, geh lơh ìol, ờ hòac hươr đèng, cồng nha lơh broa\ jơnhua ngan. Tài ma\y pa, tềm pềr đèng mờ ma\y dờng lơh broa\ pràn. Lài do, tàm anih lơh broa\  bơh 3 tus 3 tấn mơ gùl pah gai, tu\ do den ma\y pa lơh broa\ bơh 5 tus 7 tấn dùl ngai, mơya pria\ đèng den mìng 150 tơlak pria\ dùl nhai. Bè hơ\, pơndrờm mờ lài den gơ geh cồng nha ua\ ngan.

            Kung drờm bè hơ\ sơl Kong ti TNHH Cơ khí Viết Hiền tàm sơnah [òn Tân An, [òn dờng Buôn Ma Thuột la mpồl  lơh gơs ala\ ma\y nông cơ, ngui ua\ ngan ồs đèng tàm lơh sa. Pah nhai, Kong ti pal ta\ git nđờ rhiang tơlak pria\ đèng. Nàng tơmù pria\ mut lơh sa, Kong tin eh rwah broa\ lơh tềm pềr ồs đèng geh cồng nha.Bal mờ broa\ blơi ala\ ma\y mok pa dờng pràn, cồng nha lơh sa jơnhua, Kong ti neh lơh niam wơl gùng che nàng tơmù gơbàn hòac hươr ồs đèng. Ồng Lê Viết Hiền, Phó kuang atbồ kong ti ai git:

            Kong ti a` tềm pềr, tơmù pria\ lơh broa\ mờ broa\ cra\p tụ bù nàng tơmù gơbàn hòac hươr tềng gùng che đèng. Àng gùt dar hìu ma\y den geh crap slo àng mờ pang krơh, den tàng àng ngan  nàng lơh sa.

            Nàng tơngguh cồng nha broa\ lơh tềm pềr ồs đèng, pah nam, Trung tâm khuyến công-Sở Công thương càr Daklak neh bơyai lơh pờ ơdu\ bơto bơsram bơsir ngui năng lượng tềm pềr  mờ gơ cèng  ua\ ngan cồng nha tus ala\ mpồl lơh sa ka\ bro. Jat ồng Vũ Ngọc Anh-Phó kuang atbồ Trung tâm khuyến công càr Daklak, nàng broa\ lơh tềm pềr ồs đèng geh cồng nha rlau tai den kờ`  ngan pal đo was kờp du\ năng lượng, bơh hơ\ nàng ala\ mpồl lơh sa ka\ bro geh rơndap broa\ bơcri blơi ma\y mok pa lơh sa geh cồng nha rlau:

            Kờ` broa\ lơh tềm pềr ồs đèng geh kuơ ngan ngồn rlau, den kờ` ngan geh pria\ dong kờl ngan ngồn, hơ\ la đo was kờp du\ năng lượng tus mờ ờ ua\ mpồl lơh sa ka\ bro geh ngui ua\ ngan ồs đèng. Bơh mờ broa\ đo was kờp du\ ồs đèng hơ\, ala\ mpồl lơh sa ka\ bro geh broa\ lơh bơcri blơi ma\y mok lơh broa\ pa, sền wơl broa\ lơh sa he dê, lơh niam sir ma\y mok lơh sa nàng gơ cèng wơl cồng nha lơh sa jơnhua rlau.

            Bal mờ hơ\, gah ồs đèng  tàm càr kung nhap nhar mut lơh ua\ broa\ lơh mblàng pơlam tềm pềr đèng, mơ kung geh broa\ lơh pơnjờng ala\ mpồl lơh sa  ka\ bro, mpồl lơh sa, ka\ bro ngui ồs đèng tềm pềr, geh cồng nha rlau tai.

                                         Cau cih mờ yal tơnggit K’ Brọp