VOV4.K’ho - Mho mờ mang òr (08/11), tàm Hìu Quốc hội, Chủ tịch Quốc hội ồng Vương Đình Huệ neh tus bal dơ̆ pơrjum yal kơrnoăt bơh Ủy ban Thường vụ Quốc hội bè broă crơng gơs Mpồl nghị sĩ git gơ̆p lơh bơyô bal Việt Nam, mpồl cau ùr kuang bàng ala măt Quốc hội mờ Mpồl kuang bàng ala măt Quốc hội kơnòm să.

Mpồl nghị sĩ git gơ̆p lơh bơyô bal Việt Nam geh 45 Mpồl nghị sĩ git gơ̆p lơh bơyô bal đah lơgar Việt Nam mờ Quốc hội/Nghị viện ală lơgar. Mpồl cau ùr kuang bàng ala măt Quốc hội Việt Nam geh ală cau ùr kuang bàng ala măt Quốc hội tus bal is. Mpồl kuang bàng ala măt Quốc hội kơnòm să tàm hơ̆ geh ală kuang bàng là kuang bàng ala măt Quốc hội Việt Nam bơh 45 sơnam mù hờ đơm. Chủ tịch mpồl là Bí thư dơ̆ 1 Đoàn ơruh pơnu Cộng sản Hồ Chí Minh dà lơgar bi Nguyễn Anh Tuấn. Đơs tàm dơ̆ yal, Chủ tịch Quốc hội ồng Vương Đình Huệ pin dờn, bơh broă lơh bal mờ lơgar ndai đah ală anih lơh broă Quốc hội mờ mpồl nghị sĩ git gơ̆t lơh bơyô bal, cau ùr kuang bàng ala măt Quốc hội, kuang bàng ala măt Quốc hội kơnòm să, broă lơh bal mờ lơgar ndai bơh Quốc hội geh ngai sơlơ gơguh pràn, lơh gơnoar broă là anih tơrbŏ bal niam tàm broă lơh git gơ̆p lơh broă bal nghị viện.

Cau mblàng Ndong Brawl