VOV4.K’ho - Sơlèt mờ ală kal ke tàm rài kis mờ rơhời geh pin dờn să tòm, uă cau ùr pràn kơl dang neh lơh ngan lơh jăt tus gùng tus dà nùs nhơm kờ` gơboh bơh să tòm kờ` dờp pah ngai gơboh gơbài. Tu\ geh gơboh gơbài tàm nùs nhơm, ală cau do geh tam pà nùs nhơm niam hơ\ tus mờ mpồl bơtiàn mờ uă broă lơh krơi is. Broă lơh kờ` geh gơboh gơbài do geh đơs tus jơnau yal bơh ùr hàng Hoàn vũ Việt Nam 2017 H’ Hen Niê, blohger nhơl chờ Đinh Hằng mờ cau cih jơnau do Trương Lê Na, do là ală cau ùr khin tam gơl, lơh geh pràn kờ` wèt tus uă bơta pal kah ngan tàm rài kis.

Tơnơ\ mờ tu\ geh dờp ùr hàng Hoàn vũ Việt Nam 2017, bơta mờ H’ Hen Niê lơh uă cau sền ngềr ngan là broă ùr hàng do ai tus 70% khà priă pơn jờng kờ` lơh broă nùs nhơm dong kờl, jào priă bơsram ai kơnòm bơsram rơ[ah.

                    H’ Hen Niê tàm dùl dơ\ pơlam broă kơrian tam lơh tàm hìu bơsram

Mờ tus tu\ do, ală broă lơh pơn jồh nùs nhơm, tam pà bal mờ mpồl bơtiàn gam geh cau kơnòm să geh pơnrơ jăk nam 2018 lơh jăt tàm gùt lơgar bơh ală broă lơh wèt tus mờ kơnòm dềt, cau ùr ha là cau kòp HIV… Geh ngui “uă” cồng nha ngềr ngan mơya bơta kờ` lơh cau sền ngềr H’ Hen Niê uă ngan ờ di là khà pơn jờng ùr hàng ha là mpồl 5 ùr hàng Hoàn vũ dunia nam 2018 mờ là nùs nhơm, mờ tơngoh kơlôi sơnơng bơh să tòm.

Tàm dơ\ yal să tòm tàm dar pơrlòng ùr hàng Hoàn vũ 2018, H’ Hen Niê neh đơs: “A` là dùl nă cau kòn cau, lơh ngan dă a` neh bao tu\ tòm 14 sơnam mơya ờ, a` rơwah broă bơsram sră. Ntào tềng do, a` kờ` đơs a` lơh gơtùi mờ bơyô kung gơtùi lơh gơs sơl!”.

Jơnau đơs di pal ngan do neh tơrgùm jơh broă sơlèt mờ kal ke bơh H’ Hen Niê dê tàm broă kờ` klàs mờ rơ[ah, klàs mờ ală bơhiàn ờ di pal kờ` ai tơngo\ să tòm. H’ Hen Niê pà g^t, tu\ geh kis mờ nùs nhơm kờ` gơboh mờ lơh ală broă geh kuơ ai mpồl bơtiàn in, rài kis geh uă ngan bơta gơboh:

-Tàm rài kis geh uă ngan rơndăp broă ai tơnơ\ do in, ai jơh ală bơta mơya geh tơrgùm bal he kờ` tus mờ bơta sơnđan là gơboh gơbài. Jơh ală bơta he lơh, he kơlôi là geh gơboh gơbài den he lơh. Tu\ he gơboh gơbài den he geh jơh ală bơta. Geh uă bơta pràn kờ` lơh broă, geh uă bơta pràn kờ` ai ală oh in bơsram. Geh bơgoh gơbài bè là bơta tòm tàm rài kis să tòm he dê.

Gơboh gơbài mờ broă neh rơwah, pah ngai neh rơlao bơh blogger nhơl chờ Đinh Hằng kung geh uă bơta chờ hờp. Bu\ lah pal ntrờn sùm bơh lơgar do tus lơgar ndai, pal lơh broă glar bòl bu\ lah ngai ha là mang mờ pal sùm tam gơl pa să tòm kờ` ờ gơbàn dil, mơya geh jơnau dờp niam bơh mpồl bơtiàn bơh ală jơnau tam pà tàm internet, Đinh Hằng hu^ jơh glar bòl.

                                                  Blogger nhơl chờ Đinh Hằng

Lòt mờ sền broă lơh uă, ală jơnau pa ngan hơ\ geh Đinh Hằng pơgồp bal tàm tơl jơnau cih, ha là tàm pang sră mờ ùr ơruh do pơyoa tus mờ mờ rơnàng kơnòm să tàm mờr 10 nam lơh broă đềt mềr mờ broă lơh ờ geh priă nhai. Đinh Hằng đơs, bơta mờ ùr ơruh do kờ` bơyô wèt tus là pal pin dờn tus mờ ală broă lơh kờ` go\ să tòm he pràn kơl dang rơlao uă ngan:

-Geh ală tu\ glar bòl den he ơm rơlô. Ơm rơlô dùl tơngai ờ lòt tai kờ` rơcang mờ dơ\ lòt pơn jăt tai. He go\ do là broă lơh niam mờ he bơtoah ngan geh lơh den tàng di lah kal ke kàr lơi he kung gơtùi sơlèt. He g^t ală cau kơ\p kờ` geh go\ ală broă lơh, den tàng hơ\ là broă he kờ` tam pà bal mờ ală cau in tơnơ\ mờ dơ\ lòt gam hờ tơnơ\ ngkời broă lơh glar bòl bè lơi den ală bơta hơ\ he gàr wơl ai să tòm in uă rơlao.

Kung kờ` gơboh ală broă pơgồp bal mờ mpồl bơtiàn, bơh gơnoar kơlôi sơnơng tàm gah Công nghệ sinh học, pơgăp mờ do rơlao 10 nam, Thạc sĩ Di truyền học Trương Lê Na neh lơh uă ngan cau sền ngềr tài neh tam gơl tus mờ broă lơh sră [ăo mờ tu\ do là cau cih jơnau jăk chài ngan.

Tu\ gam gơguh jăk tàm broă lơh mờ ală cồng nha neh lơh geh tàm sơnam 20, 30, ni sơna tàm dùl ngai geh broă ndai tus mờ ùr Thạc sĩ do dê. Tàm tơngai bơsram cao học, Trương Lê Na pal mu\t piam kòp mờ bơta “ờ niam lưỡng cực” lơh ngòt rơngơ\t ngan tus mờ màng kis.

                                  Thạc sĩ Di truyền học Trương Lê Na

Jàng lah rài kis tơn jơh tềng do, mơya ờ, ùr ơruh do neh bơsram geh thạc sĩ mờ geh tìp mờ uă tiah lơh broă ndai kờ` jòi geh ală bơta mờ să tòm đơs là kờ` gơboh. Ờ mìng tam là bè jơnau broă lơh kờ` dong kờl ală bơyô kơnòm să tu\ do g^t să tòm, cau cih pang sră “Ală dơ\ sơnđoh chài” gam là cau bơceh dùl rơndăp broă lơh kuơ màng ngan geh sơnđan “Book and Club” mờ nùs nhơm kơ\p kờ` lơh geh bơta mờng sền sră ai kơnòm bơsram in.

Pah ngai, bơh jơnau đơs, akhar cih, cau cih jơnau Trương Lê Na gam ai geh jơnau pơlam tus mờ mpồl bơtiàn bơta pràn kờ` go\ rài kis geh kuơ màng rơlao:

-Kơlôi wơl ală broă neh geh lơh den nùs nhơm gơboh gơbài tu\ do să tòm dê là he g^t he is kờ` lơh broă lơi. Tơngu me tòm, nùs nhơm kơlôi sơnơng he dê geh tơl, tơl niam tơnơ\ mờ tu\ neh jòi go\ bơta kơ\p kờ` mờ ai geh gùng dà să tòm in.

He sùm sơn đờm mờ ngai pa mờ dùl jơnau chờ gờm ai să tòm he in, hơ\ sồng lơh broă `hăp `har ngan. Tus lồi ngai he go\ neh lơh geh  broă mờ chờ gờm să tòm tai tài neh lơh gơs broă hơ\.

Ờ kis lơnga`, kis pas gơs, uă cau ùr tàm mpồl bơtiàn gam rơwah ală broă lơh krơi is ngan kờ` kis jơh nùs mờ ai geh nùs nhơm niam tus mờ mpồl bơtiàn. Pah ngai, ală cau ùr do gam pơlam sồr nùs nhơm kờ` gơboh mờ jơnau kơ\p kờ` tus dùl tu\ lơi hơ\, să tòm bal mờ ală cau gùt dar geh sa plai bơkah tàm nùs nhơm chờ hờp.

Cau mblàng Ndong Brawl