VOV4.K’ho- Drim ngai 20/8, Ban thường trực Ủy ban Mặt trận dà lơgar Việt Nam ƀòn dờng Hồ Chí Minh neh bơyai lơh dơ̆ dờp măy ECMO kờp priă 145 rơbô dolar Mỹ, bơh Tổng Lãnh sự quán Ấn Độ mờ Mpồl bơtiàn làng bol Ấn Độ tàm tiah đah Jum dà lơgar jàu pà ai Hìu sơnơm Kòp Nhiệt đới bòn dờng Hồ Chí Minh in.

Mò Tô Thị Bích Châu, Chủ tịch Ủy ban Mặt trận dà lơgar Việt Nam ƀòn dờng dê tơngŏ bơta tam pà bal mờ ală bơta kal ke mờ bơta roh rui mờ làng bol Ấn Độ neh pal kong tài bơh bơtờp kòp Covid-19 dơ̆ 2; mơkung jờng rơ bơta lơh geh cồng nha bơh Chính phủ mờ làng bol Ấn Độ dê tàm broă gròi sền kòp Covid-19. Bulah gam gơtìp uă ngan kal ke, mơya Chính phủ Ấn Độ neh lơh nền dong kờl Chính phủ mờ làng bol Việt Nam in gam pal kong mờ ală bơta gơlik kal ke ngan bơh kòp dê, là dùl tàm broă lơh geh kuơ ngan. Tổng Lãnh sự Ấn Độ tàm ƀòn dờng Hồ Chí Minh ồng Madan Mohan Sethi pà gĭt, kờp dŭ ngai 30/8 tus do, ơhò ling dà lềng lơgar Ấn Độ dê geh tus tàm anih ơhò ơm tàm ƀòn dờng Hồ Chí Minh, jun pơndiang 300 nơm măy lơh gơlik oxy mờ 100 tấn oxy gah lơh sơnơm khà dà bơh Chính phủ Ấn Độ dê dong kờl ai Việt Nam in.    

Cau mblàng K’Hạnh