VOV4.K’ho- Drim òr 22/1, tơnơ\ 14 ngai cah r`a mờ sền swì lơh nền lơh glài dơ\ lơh tìs, Anih cah r`a làng bol [òn dờng Hà Nội yal kơrnoat lơh glài gơ wèt mờ ồng Đinh La Thăng, mờ Trịnh Xuân Thanh bal mờ 20 nă cau lơh tìs bal tàm dơ\ lơh tìs Kơldang nùs lơh tìs mờ Sa kuề sa kùa jơtài phan bơna gơlik geh tàm Tập đoàn nhơm zờu Việt Nam mờ Tổng Công ty Lơh crăp nhơm zờu Việt Nam.

Mpồl duh broă cah r`a yal kơrnoat lơh glài ồng Đinh La Thăng 13 nam jàm. Ồng Trịnh Xuân Thanh gơtìp lơh glài jàm 14 nam bè tìs Kơldang nùs lơh tìs, mờ lơh glài jàm tus jơh rài kis tơn bè tìs Sa kuề sa kùa jơtài phan bơna. Kờp jơh bơta lơh glài bơh ồng Trịnh Xuân Thanh dê là jàm tus jơh rài kis tơn.

Ồng Phùng Đình Thực gơtìp lơh glài 9 nam jàm. Bàr nă phó Tổng giám đốc lài do, ồng Nguyễn Quốc Khánh mờ Nguyễn Xuân Sơn ndrờm gơtìp lơh glài bal 9 nam jàm. Ninh

Ală cau gam wơl ndai geh Mpồl duh broă cah r`a lơh glài jàm bơh 17 tus 22 nam gơ wèt mờ tìs kơldang nùs lơh tìs jơnau sồr bơh dà lơgar dê mờ sa kuề sa kùa jơtài phan bơna.

Bơdìh mờ broă lơh glài jàm, Mpồl duh broă cah r`a gam ngui broă lơh kơryan ờ ai at gơnoar broă, gơnoar gơ wèt tus mờ ală cau: ồng Đinh La Thăng, Nguyễn Quốc Khánh, Phùng Đình Thực, Nguyễn Xuân Sơn…. Ală cau do gơtìp yă lơh tìs sa kuề sa kùa jơtài phan bơna kờ` ngan pal ngui bơta lơh glài bơtơl là lơh glài mờ priă.

Tơnơ\ mờ tu\ Mpồl duh broa\ cah rơ`a geh kơrnuat lơh glài gơwèt mờ ồng Đinh La Thăng bal mờ 21 cau lơh tìs bal, gal ngan cau te\ khà tàm càr Daknông neh ringbal mờ kơrnuat lơh glài  tơlik geh. Cau te\ khà Trần Minh Đức, ơm tàm sơnah [òn Nghĩa Đức, thị xã Gia Nghĩa geh jơnau đơs:

“Dơ\ cah rơ`a broă lơh tìs bơh ồng Đinh La Thăng mờ 21 nă cau lơh tìs bal, den bol a` go\ gơ di ngan, Đảng neh lơh niam broă lơh rơcang sơndră sa kuề sa kùa, bulah ală cau gơtìp lah yă neh git wờl să, kung kơp kờ` dờp geh bơta dong kờl bơh adat boh lam dê. Bulah bè hơ\, den ală kuang bàng neh lời gơlik geh uă broă lơh tìs den ờ gơtùi geh “bă tiah kơryan”, kung kơp kờ` là Đảng geh lơh krà` rlau tai, nàng broă lơh rơcang sơndră sa kuề sa kùa ờ gam “bă tiah gơtìp kơryan”, nàng rài kis làng bol dê geh hờm ram, lơh sa dà lơgar dê bơtàu tơnguh. Ban Bí thứ kung pal lơh krà` gơwèt mờ ală kuang bàng bè Đinh La Thăng mờ ală cau lơh tìs bal, kung kơp kờ` là ală kuang bàng tơnơ\ do ờ gam lơh jat broă lơh tìs bè ồng Đinh La Thăng tai.”

Cau cih mờ yal tơngi\t- Lơ Mu K’Yến mờ K' Duẩn