VOV4.K’ho – Drim òr 20/9, Anih jơnau đơs Việt Nam bơyai lơh dơ\ lam sồr mờ dong kờl làng bol tiah tàm gùl lơgar ko\ng aniai hoàc hươr tài bơh mìu càl rbu\t dờng sồ 10. Mờ nùs nhơm bơh jơi bơtiàn dê “nha ràm glòm nha sèt”, “Sơnđàc cau bè sơnđàc să tờm he”, ală mpồl lơh broă tàm Anih jơnau đơs Việt Nam neh lam sồr kuang bàng, cau lơh broă tàm dơlam mờ bơdìh lơgar tàm sơm băt tê bal dong kờl làng bol tiah dà ko\ dà cò tàm gùl lơgar, tam pà bal bơta kal ke mờ rài kis bơh làng bol tiah gơtìp trồ tiah lơh aniai.

Tàm dơ\ dà ko\ dà cò pa do, ală mpồl lơh broă bơh Anih jơnau đơs Việt Nam dê neh lơh niam broă mblàng yal, yal tơngi\t lài bè trồ tiah, broă lơh sơndră wơl mờ trồ tiah lơh aniai, yal tơngi\t ală bơta hoàc hươr, broă lơh bơsong jơnau gơlời wơl…cih yal mờ pờ tơlik jơnau đơs tàm jơh ală gah yal tơngi\t jơnau bơh Anih jơnau đơs Việt Nam dê bè pờ tơlik jơnau đơs, sơ`io rùp, báo điện tử, báo in, să tờm pơndờm pơnđiang làng bol mờ lơh geh bơta pràn lơh gơrề uă tàm mpồl bơtiàn.

Di tàm dơ\ do, Anih jơnau đơs Việt Nam dong kờl rlau 500 tơlak priă, pơgồp bơnah dong làng bol ală càr tiah tàm gùl lơgar bơsong jơnau gơlời wơl bơh mìu càl rbu\t dờng sồ 10 lơh aniai.

Cau cih mờ yal tơngi\t- Lơ Mu K’Yến