Tàm dơ̆ bơyai lơh, ala mat đơng lam bồ Đảng, Dà lơgar, Thủ tướng ồng Lê Minh Hưng neh jàu sră jờng rơ Cau khin cha jak chài Mpồl ling phàu crong Làng bol pà Kwang àng ƀòn dờng Hải Phòng in. Jờng rơ, gờm chờ mờ jờng rơ uă ngan ală cồng nha lơh geh ling klàng dê, cồng nha lơh geh jak ngan bơh Kwang àng ƀòn dờng Hải Phòng dê, Thủ tướng đơs loh, sră jờng rơ Cau khin cha jak chài Mpồl ling phàu crong Làng bol ờ mìng là bơta pơn yờ să bơh mìng is mpồl Kwang àng ƀòn dờng Hải Phòng dê lơm mờ gam là bơta chờ hờp dờng ngan bơh Đảng ƀộ, gơnoar atbồ, ling klàng mờ làng bol ƀòn dờng Hải Phòng dê tai.

Thủ tướng pin dờn mờ bơhiàn cau khin cha jak chài,  kơ̆ dơn cíñ trị kơnhăp kơ̆, nùs nhơm tam gơl pa, bơceh lơh mờ jơh nùs lơh ngan uă, Kwang àng ƀòn dờng Hải Phòng rơ̆p pơn jat tai lơh geh uă cồng nha lơh geh ling klàng pa, cồng nha lơh geh pa, lơh sir jak ngan tơl kơnòl broă geh jàu; di pal mờ sră jờng rơ dờng màng Cau khin cha jak chài Mpồl ling phàu crong Làng bol; tài bơta bơtàu tơnguh pas gơs, niam jak, pa ngan bơh ƀòn dờng Hải Phòng, bơh dà lơgar, tài bơta gơboh gơbài bơh Làng bol dê.