VOV4.K’ho- Drim ngai 4/6, dờp khà priă tă pơgồp dong kờl 300 tơlak đong bơh Kuang bàng, công chức, viên chức mờ cau lơh broă Anih jơnau đơs Việt Nam dê, ồng Đỗ Văn Chiến-Chủ tịch Uỷ ban mặt trận dà lơgar Việt Nam  đơs niam ngan broă lơh yal tơngĭt, mblàng yal bơh Anih jơnau đơs Việt Nam dê tàm broă lơh rcang sơndră kòp Covid-19, dong làng bol gùt lơgar gĭt loh bơta kòp mờ lơh jat niam jơnau sồr bơh Bộ Y tế dê.

Jàu khà priă 300 tơlak đong tă pơgồp dong kờl bơh Ủy ban Mặt trận dà lơgar Việt Nam, Phó Kuang atbồ dờng Anih jơnau đơs Việt Nam ồng Vũ Hải Quang pà gĭt, tơl nă Kuang bàng, công chức, cau lơh băo, biên tập viên, nghệ sỹ bơh Anih jơnau đơs Việt Nam dê tă pơgồp dong kờl khà priă 300 tơlak đong mờ kơ̆p kờñ tă pơgồp tai priă jền nàng bal mờ Đảng, Dà lơgar, Chính phủ kơryan bơta bơtờp bơh kòp dê tàm mpồl bơtiàn. Chủ tịch Ủy ban Mặt trận dà lơgar Việt Nam hơ geh yal loh làng, song dơ pă, ngui di jơnau kờñ, di cồng nha, di mờ adat boh lam ală bơnah tă pơgồp dê nàng blơi sơnơm vaccine kơryan kòp Covid-19.

Cau mblàng K’Hạnh