VOV4.K’ho- Kung bè uă dơ\ sa tềp ndai sơl, sa Tềp Mậu Tuất nam 2018 do, kềng sơlàu piang cau ling dê, sùm là ală ngkơr phàu. Tàm Pôs đồng ling sền gàr tiah nhàr lơgar Ia O, cau ling sền gàr tiah nhàr lơgar wa\ rò sơnam pa sa tềp, nhơl chờ hờp bồ nam pa mơkung iat kơno jơh ală bơta gơlik geh bơh tiah nhàr lơgar dê sơl, rơcang sơrbac mhar lòt lơh kơnòl broă. Broă lòt sền, sền gròi tiah nhàr lơgar geh lơh sùm, lơh sùm nàng gàr niam bơta ring lơngai ai làng bol in wa\ rò sơnam pa sa tềp.

Sơlơ mờr tus ngai sa tềp, broă lòt sền, gròi sền bơh Pôs đồng ling sền gàr tiah nhàr lơgar Ia O, xã Ia O, kơnhoàl Ia Grai, càr Gialai dê sơlơ geh lơh jơh nùs ngan. Ală kơnòl broă sền gàr gơnoar tờm ù tiah dà lơgar dê kung gam geh lơh sùm, lơh sùm. 100% khà ling klàng bơh Pôs đồng dê sùm drơng gàr mờ rơcang lòt lơh ală kơnòl broă geh jàu.

Broă lòt sền, gròi sền cau mờ rơndeh rơndồ, phan bơna lik mu\t tàm tiah nhàr lơgar geh lơh niam, kờ` pơgồp bơnah atbồ, sền gàr kơ\ kơl jăp gùng nhàr lơgar, jrong nhàr lơgar tàm ù tiah nhàr lơgar Pôs đồng dê atbồ.

Binh nhất Nguyễn Đình Tuấn, Mpồl phàu crong, Pôs đồng ling sền gàr tiah nhàr lơgar Ia O, gơ wèt Gah đơng lam mpồl ling sền gàr tiah nhàr lơgar càr Gialai, pà gi\t: nam do là nam dơ\ bàr sa tềp ngài hìu.

Lời te\ wơl jơh ală bơta muăt jrùm hơ\, bi sùm lơh ngan bal mờ ală gơ\p să lơh jat niam ală kơnòl broă geh jàu nàng gàr bơta ring lơngai ai làng bol in wa\ rò sơnam pa sa tềp. Binh nhất Nguyễn Đình Tuấn, đơs :

Să tờm a` là dùl nă cau ling tàm Pôs đồng ling sền gàr tiah nhàr lơgar Ia O, tàm dơ\ sa tềp do a` geh lơh ngan lơh jơh kơnòl broă geh jàu, sền gàr tiah nhàr lơgar dà lơgar dê mờ lơh jơh niam kơnòl broă.

Tàm dơ\ sa tềp ngài hìu, a` kung pơyua jơnau còp să tus mờ hìu bơnhă mờ làng bol tàm gùt lơgar là kơ\p kờ` dùl nam pa să jan pràn kơldang lơngăp lơngai chờ hờp mờ lơh sa bơtàu tơnguh.

Kung lơh bal kơnòl broă gàr niam bơta lơngăp lơngai, rơndăp tăp sèng ờdo ờdă tàm [òn lơgar mờ ală kuang bàng, cau ling sền gàr tiah nhàr lơgar Ia O gam geh gal ngan làng bol tàm tiah nhàr lơgar.

Jơh ală 9 thôn [òn bơh xã dê ndrờm crơng gơs Mpồl atbồ sền gàr is bơta lơngăp lơngai ờdo ờdă, kơnă xã den geh mpồl ling klàng làng bol rơcang gàr is, bal mờ cau ling sền gàr tiah nhàr lơgar lòt sền, gàr niam bơta lơngăp lơngai, ờdo ờdă tàm dơ\ sa tềp.

Lòt sền bal tàm ală gơl gùng pleh tiah nhàr lơgar mờ ală cau ling sền gàr tiah nhàr lơgar Ia O tàm ală ngai mờr tus ngai sa tềp, bi Ksor Phư, lơh broă tàm mpồl ling klàng làng bol rơcang gàr is xã Ia O, kơnhòal Ia Grai, càr Gialai dê pà gi\t: broă lơh do neh gơ gơs là broă lơh sùm. Bi Ksor Phư, đơs bè do:

Ling klàng làng bol rơcang gàr is bol a` dê geh bơta jàu kơnòl mờ đơng lam bơh Đảng ủy, Ủy ban Nhân dân xã dê, pơgồp bal mờ pôs đồng ling sền gàr tiah nhàr lơgar Ia O lòt sền gùng nhàr lơgar, nàng gàr niam ờdo ờdă ai làng bol in lòt rê tàm ù tiah [òn lơgar bơh pôs đồng dê. Di dơ\ bồ sơnam pa tus, a` kơ\p kờ` làng bol tàm [òn lơgar wa\ rò sơnam pa sa tềp dùl bă chờ hờp.

Pôs đồng ling sền gàr tiah nhàr Ia O lơh broă tàm ù tiah xã Ia O, kơnhoàl Ia Grai, càr Gialai là dùl tàm ală xã tiah nhàr lơgar krơi is ngan tu\ jơh ală 5 kơi sồ nggùl gùng nhàr lơgar đah mat tơngai mu\t ndrờm là gùng dà dờng lơm, ù tiah đah tô rềp nhàr bal tai mờ càr Kontum.

Jat Thiếu tá Tô Văn Thủy, Phó kuang atbồ Pôs đồng ling sền gàr tiah nhàr lơgar Ia O yal, mờ bơta is rơmis bè hơ\, Ia O là dùl tàm ală [òn lơgar kal ke ngan. Nàng gàr kơ\ gơnoar tờm ù tiah dà lơgar dê, gàr niam bơta ring lơngai ai làng bol in, Pôs đồng ling sền gàr tiah nhàr lơgar Ia O gam lơh ngan pơgồp bal mờ ală mpồl lơh broă geh gơnoar tàm broă lòt sền gròi sền, sền gàr tiah nhàr lơgar. Thiếu tá Tô Văn Thủy, đơs bè do:

Kấp ủy, Mpồl đơng lam Pôs đồng ling Ia O neh tơrgùm đơng lam atbồ mờ sồr kuang bàng, cau ling gi\t ngan jơnau jòi kai, broă lơh rơlăc rơliang bơh ală bol gơjra` kơuềng mờ dà lơgar dê mờ ală cau ờ niam, ngan là broă lơh rơlăc rơliang ngan bơh khi dê sùm sơmờm tàm dơ\ sa tềp.

Bal mờ hơ\, Pôs đồng ling sền gàr tiah nhàr lơgar Ia O gam dan mờ kấp ủy gơnoar atbồ tiah do in lam lòt sền, gròi sền, crơng gơs ală mpồl lòt sền, gròi sền, gàr niam ờdo ờdă tàm dơ\ sa tềp bơhiàn nam 2018.

Là dùl nă cau ling lơh broă tàm tiah nhàr lơgar bồt bơlào dà lềng ngài ngan ai gơnoar a` in pơyua ală jơnau nting săp kơ\p kờ` niam bơne\ ngan rlau jơh tus mờ jơh ală làng bol mờ cau ling tàm gùt lơgar.

Kơ\p kờ` làng bol mờ cau ling tàm gùt lơgar wa\ rò dùl sơnam pa sa tềp chờ hờp, lơngăp lơngai bal mờ hìu bơnhă, lơh sa ngai sơlơ bơtàu tơnguh, să jan sùm pràn kơldang mờ lơh geh uă cồng nha jak chài tàm sơnam pa 2018 do!

Cau cih mờ yal tơngi\t- Lơ Mu K’Yến