VOV4.K’ho - Di tơnkah ngai cau lơh sa kă bro Việt Nam ngai 13 nhai 10, mho òr (12/10), atbồ ing Chủ tịch lơgar mò Đặng Thị Ngọc Thịnh wă mpồl kuang bàng ala măt cau lơh sa kă bro dềt mờ di mơ lơgar Việt Nam.

Do là ală anih lơh sa kă bro, cau lơh sa kă bro neh dờp bal, dong kờl bal mùl màl ală kơnòm dềt geh rài kis kal ke bơh kes priă dong kờl kơnòm dềt Việt Nam ală cấp mờ broă lơh rài kis lơh sa mpồl bơtiàn tàm gùt lơgar.

Đơs tàm dơ\ tìp măt, mò Đặng Thị Ngọc Thịnh chờ hờp yal ală cồng nha tàm broă tơnguh bơtàu lơh sa mpồl bơtiàn mờ lơgar he neh geh tàm 9 nhai do. Đơs tòm, tàm hơ\ geh broă pơgồp bal dờng màng bơh mpồl anih lơh sa kă bro, cau lơh sa kă bro Việt Nam dê.

Ala măt kes priă dong kờl kơnòm dềt Việt Nam, mò Đặng Thị Ngọc Thịnh ưn ngài mpồl ală anih lơh sa kă bro, cau lơh sa kă bro, neh dong kờl sền gròi, bal mờ kes priă dong kờl kơnòm dềt Việt Nam tàm tơngai do.

Cau mblàng Ndong Brawl