VOV4.K’ho - Công ty điện lực Dăk Lăk tŭ do gam atbồ gùng che ồs đèng mờ bơta dờng 13 anih biến áp 110kV, 5 anih trung áp 35kV mờ 22kV, rơlao 6 rơbô anih biến áp tơmù bơta pràn ồs đèng, rơlao 5 rơbô kơi sồ gùng che ồs đèng, drơng broă ai ồs đèng 570 rơbô nă cau in.

                           Công nhân lơh niam wơl gùng che ồs đèng cao thế Krông Búk-Ea H' leo

                                               Lơh kloh anih biến áp 110kV Hoà Thuận

Gàr niam ờ do ờ dă gùng che ồs đèng tàm ù tiah ơnàng, ù tiah kơh bơnơm gơtìp kal ke, phan lơh broă geh bơcri priă ờ ndrờm bal..., công ty neh lơh gùng dà broă lơh mờ lơh jăt nền nòn jăt kơrnoăt 3K, tàm hơ̆ geh “Sền geh-Lơh rơndăp broă-sền gròi”. Tàm hơ̆, tơl kơnòl geh tam pà mờ jào kơnòl mùl màl. Broă atbồ kỹ thuật 3K geh lơh di pal bơh Công ty tus mờ ală mpồl lơh broă, mpồl atbồ lơh gùng che ồs đèng cao thế. Broă lơh do kung geh sền jăt tơl nhai, tơl quý nàng pơn jờng ală mpồl lơh jăk mờ di tŭ lơh niam wơl ală broă gam ờ pràn. Mờ ală broă lơh ndrờm bal, nam 2021, broă atbồ kỹ thuật bơh Công ty điện lực Dăk Lăk geh khà uă tàm ală mpồl lơh ồs đèng tàm gùt lơgar. Gùng che ồs đèng lơh broă ring niam, pin dờn, ờ gơtìp bơta ờ niam anih biến áp.

Cau mblàng Ndong Brawl