VOV4.K’ho- Tàm tŭ lơgar Việt Nam gam pal tam dră mờ kòp Covid-19 tàm uă ƀòn lơgar, mang ngai 26/8, lơgar Australia pa yal tàm poh do geh jun ai lơgar Việt Nam in dơ̆ vaccine bơh sơnrờp geh 400 rbô ding vaccine tàm kờp jơh khà vaccine mờ lơgar do neh hơ dong kờl Việt Nam in. Khà vaccine do gơ ơm tàm kờp jơh khà 1 tơlak 500 rbô ding vaccine AstraZeneca mờ lơgar Australia neh hơ ai lơgar Việt Nam in tàm nam do.

Khà vaccine do geh Australia hơ ai lơgar Việt Nam in bal mờ bơta dong kờl 40 tơlak dolar lơgar Australia dê nàng bal mờ UNICEF dong Việt Nam tam dră mờ kòp Covid-19. Bơdìh hơ̆ tai, lơgar Australia kung dong Việt Nam tam dră wơl mờ kòp Covid-19 bơh bơnah tă pơgồp kờp priă 130 tơlak dolar Australia dê tàm broă lơh Covax dong ală dà lơgar gam bơtàu tơnguh geh dờp vaccine dùl bă ring bal.

Cau mblàng Lơ Mu K’Yến