VOV4.K’ho - Tam lah tam pờng tàm hìu nha\ gơ lời wơl aniai ngan,  lơh aniai ngan tus bơta bơtàu tơngguh bơh hìu nha\ mờ mpồl bơtìan. Tàm Dak Lak, kơnờm bơta tus bal bơh gơnoar atbồ [òn lơgar, tàm ala\ nam do,  bơta tam lah tam pờng tàm hìu nha\ neh geh ala\ bơta ai go\ ờ hian niam tai ngan. Bulah bè hơ\,  tàm ờ ua\ tiah,  ngan la tàm tiah sar lơgar ngài,  bơta tam lah tam pờng tàm hìu nha\ gam la broa\ ờ suk. Nàng kơryan tơmù lơyah ngan bơta do, bơdĩh mờ bơta tus bal bơh ala\ gah  broa\ lơh geh gơnoar, kờ` ngan  bơr đơs bơh ala\ cau tàm  dơlam.

            Lo\ Trần Thị Bê, kis tàm thôn 4, xã Quảng Điền, kơnhoàl Krông Ana ai git,  ùr bơklau lo\  bau neh rlau 20 nam do, den tus 15 nam pal kis tàm bơta gơbàn bơklau  lah bơklau  yuam sùm.

             Lo\ Bê yal wơl, bơklau lo\  la dùl na\ klau ơlah lơh broa\,  ngai  pah ngai sùm kờ` `ô sa lơm. Broa\  dờng broa\ dềt tàm hìu bơh dùl tê lo\ lơm lơh. Bòl glar la bè hơ\, mơya ngai lơi lo\ Bê kung  pal kong mờ bơta lah, sơpah, tơm bàs mờ ala\ jơnau sơpah me  kơnjơ\ ngan, lơh aniai ngan tus ơnà sa\ mờ bơnga\ sa\ lo\ dê. Ờ jai kong mờ bơta ờ  diơng bơklau dê, lo\ Bê neh hùc sơnơm gơsơt sa\. Bơtuah đau,  kòn klau git go\ mờ  jun lo\ tus mờ hìu sơnơm mờ dong kis:

             He la pơ ùr, jơh ala\ phan ngui dơ\ tàm hìu drơng jơh, mờ  bơklau  a` den mìng mờ `ô, mờ sa lơm, pah dơ\ ồng `ô la khai lah sơr pah  bè cau  sơng rang, cau mòs,  lah bơh 6 jiơ mho tus 1-2 jiơ àng drim kung ờ ai cau bic. Tus tu\ a` ờ gơ jra` ir ờ gơ tùi ho, a` neh hùc sơnơm  gơsơt sa\ is, hùc jơh dùl khàr sơnơm Vitôc dềt, tơnơ\ hơ\ geh kòn jun hờ hìu sơnơm. Tus 2, 3 ngai tơnơ\ hơ\ sồng kah.

             Drờm sơl bè hơ\, mò Nguyễn Thị Luận kis bal thôn 4, xã Quảng Điền, pah dơ\ bơklau neh `ô tàm sa\ la mò gơbàn lah,  tam sơrpah, geh tu\ gam ‘’ ơlih- kơndàng mờ jơng mờ tê’’ Pah dơ\ bè hơ\,  mò Luận kung mìng git ơm mơ mo\ nàng gơ song:

             Ùr bơklau lơi kung geh tam lah tam pơndang. Geh `ô tàm sa\ den kung jòi jơnau mè he. A` den a` ơt. Dilah he ho den gơ gơs tam lah tam ring.

             Jat jơnau yal bơh Mpồl đơng lam srơh Gùt làng bol tam klac bơt bơtàu rài kis chài rgơi ngac ngar mờ srơh tam dra\ mờ tam lah tam pờng tàm hìu nha\ kơnhoàl Krông Ana, càr Dak Lak, tàm 10 nam do, gùt kơnhoàl geh mờr 700 dơ\ tam lah tam ring, tàm hơ\ geh rlau 430 dơ\ la bơh cau klau aniai. Tam lah tam pờng tàm hìu nha\ gơbàn  tàm ua\ bơta ngan bè ơlih pờng lơh sồt sa\, kơltơ\ tàm bìc bài, ngui  bơr đơs tam sơpah, pơhìn…

             Nàng tơmù ngan  ba` gơbàn tam lah tam pờng tàm hìu nha\, kơnhoàl Krông Ana neh crơng gơs 5 câu lạc bộ rcang sơndra\ tam lah tam pờng tàm hìu nha\ tàm xã Quảng Điền; tơngguh broa\ lơh mblàng pơlam, ai lòt bơsram nàng tơngguh git wa\ làng bol in, cau kuang mpồl, cau tàm mpồl cau  ùr, cau mblàng yal jơnau tàm [òn lơgar,  bơyai lơh dơ\ pơrlòng jòi git wa\ adat boh lam bè gùng tam bau mờ hìu nha\, drờm bal cau ùr,  cau klau,  hìu nha\ boh gơbài… crơng gơs 77  mpồl cau cah r`a tàm [òn.

             Ngan  la, bồ nhai 10 nam do, UBND kơnhoàl Krông Ana neh lơh bal mờ Sở lao động-Thương binh mờ xã hội tơlik mat broa\ lơh ‘’Hìu pleh ing’’ tàm xã Bình Hoà. Do la anih pleh jal mhar ngan, geh sền gàr mờ lơh sơmơm, dong mblàng adat boh lam,  boh bơr nàng gơ niam  tàm sơnơng ai ala\ cau gơbàn tam lah tam pờng hìu nha\. Ồng Nguyễn Hồng Quân, Phó Chủ tịch UBND xã, kuang atbồ broa\ lơh ‘’hìu pleh ing’’ xã Bình Hoà, ai git:

             Broa\ lơh hìu pleh ing do geh dong  mblàng mờ  jơnau git wa\  ai tus broa\ rcang sơndra\. Broa\ lơh do la phan bơna geh blơi lài la ồi tơ\, bềl, kơmùng nàng  geh ngui ai cau dùl na\ sa\ hala  mè mờ kòn gơbàn tam lah tam pờng hìu nha\ tus pleh ing tàm 1, 2 ngai, geh tơl sơnơm, phan sa tàm 2 ngai. Dilah ơm jo\ den geh jòi broa\ lơh dan dong kờl. Broa\ ;lơh do  den bươn ngan  ai  [òn lơgar in. Tus tu\ do den kung ờ hềt dờp dùl na\ cau lơi tus tềng hìu do. Bol a` đơs nhơl bal la lơh gơs broa\ do den slơ ờ geh broa\ lơh slơ niam.

            Bal mờ bơta tus lơh broa\ kràn ngan bơh [òn  lơgar, bơta  tam lah tam pờng tàm hìu nha\ tàm Krông Ana tàm tơngai rềp do ờ gam hoan geh tai. Dilah tàm nam 2017, gùt kơnhoàl geh 64 dơ\ tam lah tam pờng tàm hìu nha\,  mơya bơh bồ sơnam tus tu\ do,  mìng geh 32 dơ\ gơbàn mờ ờ geh  dơ\ lơi pal bơsong lơh glài hình sự.

             Mò Vũ Thị Thành Huế, Kuang atbồ phòng van hoa\ Thông tin, Phó kuang  atbồ lam sồr srơh gùt làng bol tam klac bơt bơtàu rài kis chài rgơi ngac ngar mờ srơh tam dra\ tam lah tam pờng  tàm hìu nha\ kơnhoàl Krông Ana, càr Dak Lak ai git, tàm tơngai tus,  Phòng geh  pơnjat tai dong broa\ ai tus UBND kơnhoàl lơh pràn mblàng pơlam bè broa\  lơh  tam lah tam pờng tàm hìu nha\, mơ  kung geh sồr ala\ câu lạc bộ rcang sơndra\ tam lah tam pờng tàm hìu nha\ tàm do lơh jat ngan rlau tai sền gròi tơl hìu nàng kơryan  lơyah ngan bơta  tam lah tam pờng tàm hìu nha\:

             Tơngguh broa\ lơh mblàng pơlam tàm jơh ala\  gah nàng ba` lời oh mi cau ùr mờ jơh ala\  cau tàm hìu nha\ sơ ngai slơ geh tơngguh git wa\ bè drờm bal cau ùr cau klau. Dơ\ 2 la dong broa\ ai UBND  kơnhoàl geh broa\ lơh di mơ tơngai, jo\ tơngai bè broa\ lơh rcang  sơndra\ tam lah tam pờng tàm hìu nha\. Dơ\ 3 la lơh jơh ala\  mpồl đơng lam,  jào broa\ lơh ai tơl cau nàng git wa\ bơta mùl,  dơ\  4 la geh lơh bal mờ  ala\ gah sơnah  bơyai lơh  ala\ dơ\ tam tìp cri tơr`a  broa\ mờ cau ùr  kờ` git  mùl màl mờ ba` lời tam lah tam pờng tàm hìu tai.

             Kờ` kơryan bơta tam lah tam pờng tàm hìu nha\,  ngan la sa\ tờm cau gơbàn aniai do pal đơs. Tài  tu\ cau gơbàn aniai ờ  đơs, ờ yal, sùm ơm mơ mo\, ờ khin đơs  tu\ gơbàn pù pờng, gơbàn tam sơrpah, lơh aniai tơm bàs den bơta  tam lah tam pờng  tàm hìu nha\ gam geh anih kis… Tơl na\ oh mi cau ùr pal  git w\a is bơnga\ he dê, nàng tam lah tam pờng tàm hìu nha\ ờ gam la bơta ờ suk tai tus mờ tơl hìu nha\ mờ gùt mpồl  bơtìan.

          Cau mblàng K’ Brọp