VOV4.K’ho- Đơng lam dơ\ pơrjum pờ tơn tàm internet bơh Mpồl đơng lam dà lơgar bè rơcang sơndră trồ tiah lơh aniai bal mờ ală tiah đah jum tàm gùl lơgar mờ Tây Nguyên bè lam lơh ală broă lơh sơndră wơl mờ mìu nhàc pràn gơlik tus mìu càl rbu\t dờng sồ 9 tàm drim òr 22/11 tàm anih tờm lơh tàm Hà Nội, ồng Trịnh Đình Dũng, Phó Thủ tướng Chính phủ sồr, ală Bộ gah sơnah lơh broă tàm Mpồl đơng lam, ală tiah ờ go\ di sền ờ sơ\p tàm broă lơh rơcang sơndră wơl, mơkung lam lơh ală broă lơh rơcang sơndră nàng gàr niam ờdo ờdă màng kis làng bol in tàm khà jơnhoa ngan rlau jơh.

Jat yal lài, mang ngai 24 mờ àng drim gờ` ngai 25/11, mìu càl rbu\t dờng sồ 9 geh gơ lòt mu\t tàm ù gờl, tiah tờm là tàm ală càr, [òn dờng bơh Đà Nẵng tus Bình Thuận mờ đah jum Tây Nguyên.

Ai jơnau mờng chài bơh mìu càl rbu\t dờng sồ 12 nam 2017, mờ ală hoàc hươr bơh mìu càl rbu\t dờng sồ 8 pa do, Bộ Nông nghiệp mờ Phát triển Nông thôn tơngkah, ală tiah krà` cê jơh nùs tàm broă đơng lam sơndră wơl, ală broă lơh pal geh lam lơh tàm tơl tàm jơh bal 3 tiah: tàm dà lềng, kềng gah dà lềng mờ tềng hơđăng ù gờl.

Cau mblàng Lơ Mu K’Yến