VOV4.K’ho - Tềng đăp mờ bơta kal ke, ờ gĭt lài bơh kòp Covid-19 gam gơtìp tàm càr Bắc Ninh, Ủy ban tĕ khà càr Bắc Ninh neh geh jơnau dan mờ mpồl duh broă tĕ khà dà lơgar ai Ủy ban tĕ khà càr Bắc Ninh in geh bơyai lơh tĕ khà gờñ tàm ờ uă anih đùh sră gơwèt 2 kơnhoàl, 1 thị xã mờ 1 ƀòn dờng.

Hơ wơl mờ jơnau dan do, Mpồl duh broă tĕ khà Dà lơgar neh ring bal mờ jơnau dan do mờ ai ờ uă anih đùh sră tàm ƀòn dờng Bắc Ninh, thị xã Từ Sơn, kơnhoàl Tiên Du mờ kơnhoàl Gia Bình geh đùh sră tĕ khà kuang bàng Quốc hội khoă 15 mờ kuang bàng HĐND ală cấp tơngai bơh nam 2021 tus 2026 gờñ rơlao 1 ngai pơn drờm mờ ngai tĕ khà gùt lơgar, mùl màl là tàm ngai 22 nhai 5 nam 2021 do.

Mpồl duh broă tĕ khà Dà lơgar sồr Ủy ban tĕ khà càr Bắc Ninh đơng lam broă tĕ khà kuang bàng Quốc hội khoă 15 mờ kuang bàng HĐND ală cấp tơngai bơh nam 2021 tus 2026 di jăt mờ kơrnoăt tàm adăt boh lam mờ ală jơnau bơto sồr bơh Mpồl duh broă tĕ khà Dà lơgar ai.

Cau mblàng Ndong Brawl