VOV4.K’ho - Drim do (27/03), Ban Bí thư Đảng Dà lơgar bơyai lơh sơn đờm pơrjum pờ tơlĭk tàm internet gùt lơgar bè broă kơlôi sơnơng, bơsram, lơh jăt, lam sồr Nghị quyết pơrjum dờng dơ̆ 13 Đảng dê.

Pơrjum geh bơyai lơh tàm 2 ngai bơh 27 tus ngai 28 nhai 03 mờ anih pờ tơlĭk tờm tàm jơdŭ pơrjum Diên Hồng, hìu lơh broă Quốc hội, càr lơgar Hà Nội mờ anih dờp tàm ală Tỉnh ủy, Thành ủy; ală Bộ, gah lơh broă dà lơgar, ală mpồl lơh broă gơwèt dà lơgar mờ anih dờp tàm cấp hờ đơm tàm ală tiah geh tơl bơta bè phan bơna kỹ thuật.

Tàm pơrjum, ală kuang bàng Ủy viên Bộ Chính trị geh yal ală jơnau yal jăt tơngu me, tàm hơ̆ geh: Jơnau yal Chính trị bơh Ban Chấp hành Đảng dà lơgar khoă 12 tàm pơrjum dŏ 13 Đảng dê; broă tơnguh bơtàu lơh sa mpồl bờtian 10 nam bơh nam 2021 tus 2030 mờ rơndăp broă tơnguh bơtàu lơh sa mpồl bơtiàn 5 nam bơh nam 2021 tus 2025; jơnau yal bơ̆t bơtàu Đảng mờ lơh jăt Điều lệ Đảng bơh Ban Chấp hành Đảng dà lơgar khoă 12 tàm pơrjum dờng dơ̆ 13 Đảng dê; ală jơnau gĭt wă pa mờ bồ tơngoh kơlôi sơnơng pa bè sền gàr dà lơgar Việt Nam; ală jơnau gĭt wă pa mờ bồ tơngoh pa bè broă sền gàr bơta lơngăp lơngai dà lơgar.

Cau mblàng Ndong Brawl