VOV4.K’ho – Ban Bí thư Đảng dà lơgar pa geh Chỉ thị sồ 16 bè broă bơyai lơh sa tềp nam 2018. Chỉ thị đơs tờm, nam 2017, dơ\ sơn rờp tơnơ\ uă nam, broă lơh sa - mpồl bơtìan lơgar he dê neh lơh geh mờ sơr lèt ală khà neh ai tơlik; broă lơh sa dờng pơn jat tai geh gàr kơ\ kơljap, ală broă lơh bơh rài lơh sa dê geh gàr niam, broă bơcri priă, kă bro geh lơh niam.

Rài kis phan bơna, nùs nhơm bơh làng bol dê pơn jat tai geh tơnguh niam. Broă lơh bơt bơtàu Đảng, bơt bơtàu mpồl lơh broă chính trị, lơh niam wơl hành chính mờ rơcang sơndră sa kuề sa kùa lơh geh uă cồng nha niam, pơ gồp bơnah kuơ màng tàm broă gàr kơ\ nùs nhơm pin dờn bơh kuang bàng, cau geh Đảng mờ làng bol dê.

Nàng rơcang làng bol in wă rò sơnam pa 2018 mờ sa tềp lơgar he dê Mậu Tuất chờ hờp, ờ do ờ dă, tềm pềr, Ban Bí thư sồr ală kấp ủy, mpồl duh broă Đảng, gơnoar atbồ, Mặt trận dà lơgar mờ ală mpồl lơh broă chính trị - mpồl bơtiàn tơr gùm đơng lam bồ, pơlam mờ lam lơh niam ală broă lơh gàr tơl niam rài kis mpồl bơtiàn mờ broă dong kờl mpồl bơtiàn, ngan là gơwèt mờ cau r[ah, cau geh rài kis uă kal ke, làng bol tàm tiah gơtìp hoàc huơr kơn jơ\ tài bơh trồ tiah lơh aniai, càl rbut dờng, dà ko\ dà cò lơh aniai, ală hìu bơnhă geh sră dong kờl bơh dà lơgar.

Lơh niam broă atbồ mờ bơyai lơh chờ, di mờ bơhìan niam chài bơh tơl jơi bơtìan, tơl tiah dê. Ngan là ờ ai pà phan sa tềp kuang đơng lam bồ kơnă hơđang in.

                                                                                    Cau cih mờ yal tơnggit K’Duẩn