VOV4.K’ho – Ngai òr (5/2), tàm hìu lơh broă Đảng dà lơgar, Ban Bí thư neh pơrjum tềng đap bơta đơng lam bơh Tổng Bí thư Nguyễn Phú Trọng, geh kơrnuat tơn jơh at gơnoar broă ồng Lê Phước Thanh, Bí thư Tỉnh ủy tơngai lơh broă bơh nam 2010 tus nam 2015; Bí thư Ban cán sự Đảng, Kuang atbồ UBND càr Quảng Nam tơngai bơh nam 2011 tus nam 2016.

Mờ gơnoar  broă là cau atbồ, ồng Thanh geh kơnòl tờm bè ală  broă lơh tìs, ală broă lơh ờ niam bơh Ban Thường vụ Tỉnh ủy tơngai bơh nam 2010 tus nam 2015 mờ Ban Cán sự Đảng UBND càr tơngai bơh nam 2011 tus nam 2016. Lơh tìs kơrnuat tơr gùm làng bol lơh tờm, kơrnuat lơh broă mờ ală jơnau cih bơh Đảng, dà lơgar dê bè broă lơh kuang bàng; ờ lam lài, geh tềl tơng go\ dong kờl hìu bơnhă in tàm broă rơndap lài, bơto bơtê, tàm pơdar, sồr mờ geh kơrnuat pồ ồng Lê Phước Hoài Bảo (là kòn klau ồng do dê), ờ geh khà tơl, lơh tìs rơndap broă, sră nggal; lời UBND càr geh kơrnuat sồr ồng Lê Phước Hoài Bảo lòt bơsram Thạc sỹ tàm lơgar ndai mờ kes priă dà lơgar dê ờ di mờ jơnau cih bơh adat boh lam dê.