VOV4.K’ho - Drim òr (13/04), ban Chấp hành Đảng bộ ƀòn dờng Hồ Chí Minh khoă 11, tơngai lơh boă bơh nam 2020 tus 2025 bơyai lơh pơrjum dơ̆ 5 tềng đăp mờ broă đơng lam bơh Ủy viên Bộ Chính trị, Bí thư Thành ủy ƀòn dờng Hồ Chí Minh ồng Nguyễn Văn Nên.

Đơs đơng lam pơrjum, Bí thư Thành uỷ ồng Nguyễn Văn Nên đơs là, tàm quý 1, ƀòn dờng Hồ Chí Minh neh tơrgùm đơng lam, lam sồr, ai geh bơta pràn bồ nam lơh broă niam, geh cồng nha; ală sở, gah lơh broă lơh geh cồng nha ală kơnòl, geh pơnrơ ngan là lơh geh cồng nha kơnòl dơ̆ lĕ bal “Tơnguh bơtàu broă lơh sa mờ tam dră mờ kòp gơtờp”.

Bí thư Thành uỷ ồng Nguyễn Văn Nên kung đơs là, tàm quý 2, ƀòn dờng Hồ Chí Minh ai khà broă lơh lài ngan gam là rơcang sơndră mờ kòp Covid-19, lơh niam broă rơcang tĕ khà Quốc hội mờ HĐND ală cấp, mờ lơh jăt mhar broă ai khà ù tiah ƀòn dờng Hồ Chí Minh, ai khà ù tiah ƀòn dờng Thủ Đức, rơcang lài tìp mờ tập đoàn lơgar bơdìh tàm ală gah broă priă jền, ngân hàng, bơto bơtê...

Cau mblàng Ndong Brawl