VOV4.K’ho – Ban Chấp hành Đảng bộ càr Daknông kơnă 11, tơngai lơh broă bơh nam 2015 tus nam 2020 neh bơyai lơh Pơrjum dơ\ 11 (rề ơnàng) nàng sền sơwì cồng nha lơh kơnòl broă 3 nhai bồ nam, ai tơlik kơnòl broă kuơ màng bơh nhai 4 tus nhai 6 nam 2018; cribơyai mờ geh kơrnuat bè ờ uă bơta kuơ màng bơh càr dê.

Tàm pơrjum, Kuang đơng lam càr Daknông sồr, ală gah lơh broă, ală tiah kờ` pal tơrgùm bơsong ală kòl yan, kal ke bơh ală mpồl lơh sa kă bro dê, ngan là ală gah broă lơh, phan bơna tờm ngan bơh càr dê.

Gơwèt mờ bơta kal ke dờng ngan rlau jơh tu\ do bơh mpồl lơh sa kă bro dê là gơ rềng tus ù tiah, UBND càr crơng gơs mpồl lơh broă nàng bơsong bơta do. Kờ` tam gơl niam khà PCI, UBND càr, ală gah lơh broă, ală tiah kờ` pal jòi git loh làng jơnau `chi bơh tài khà do lơyah mờ geh bơta đal git loh làng ală bơta ờ niam nàng tơrgùm bơsong, lơh niam wơl, ngan là jơnau đơs bơh mpồl lơh sa kă bro dê mờ bơta pơlam bơh cau jak chài dê.

Bal mờ hơ\, pal sơlơ tơnguh rlau tai kơrnuat lơh broă, ngan là tơnguh jơnhua kơnòl atbồ bơh cau atbồ dê kung bè lơh glài krà` ală kuang bàng, công chức lơh tìs, lơh gơbàn kal ke, lơh pơ hề pơ hà mờ mpồl lơh sa kă bro, làng bol.