VOV4.K’ho- Drim ngai 12/10, Tỉnh ủy Kon Tum mut lơh Pơrjum dơ̆ 5 Ban Chấp hành Đảng bộ càr khóa 16 rề ơnàng mờ uă tơngume kuơmàng. Jat jơnau yal tàm pơrjum, tài gơ rềng bơh kòp Covid-19 lơh uă broă geh jàu bè lơh sa- mpồl bơtiàn bơh càr Kon Tum dê 9 nhai geh lơyah ngan bè: Tă dia tàm càr geh mờr 2 rbô tơmàn đông, mìng geh 59,2% khà kờp dŭ càr jàu; khà xã tơl khà ƀòn lơgar pa gơguh 1 xã, mìng geh 12,5% broă rơndap lơh; bă ù tam tờm chi lơh sơnơm tam pa bơdìh mờ kơnuh sơnơm Ngọc Linh là 960 lồ, mìng geh 48% broă rơndap lơh...

Pơrjum tơrgùm cribơyai, tơn jơh mờ ring bal uă Nghị quyết kuơmàng bè: Tam gơl, bơtơl kơrnuat lơh broă bơh Tỉnh ủy Kon Tum khóa 16 dê; Tơn jơh Nghị quyết bè “Pơn jat tai bơt bơtàu ală xã uă kal ke tàm tŭ tơngai pa”, tơn jơh Nghị quyết bè “Bơt bơtàu, bơtàu tơnguh ală gah lơh sa kuơmàng mờ phan lơh gơs tờm ngan.

Cau mblàng K’Duẩn