VOV4.K’ho - Bơta kòp Covid-19 tàm uă lơgar tàm dunia, tàm hơ̆ uă ngan là ală lơgar tàm tiah do bè: Ấn Độ, Thái Lan, Lào, Campuchia gam geh ală bơta ờ sŭk ngan; Khà cau gơtìp kòp pa, khà cau chơ̆t tàm dùl ngai sùm gơguh, Thủ tướng Chính phủ pa tơlĭk jơnau sồr bè broă tơnguh broă lơh jăt broă rơcang sơndră mờ kòp Covid-19 pơyoa tus mờ ală bộ, anih lơh broă ndrờm mờ bộ, anih lơh broă gơwèt Chính phủ; UBND ală càr, ƀòn dờng.

Rơlao tŭ lơi jơh ală bộ, gah lơh broă gơrềng bal mờ gơnoar atbồ ală càr, ƀòn dờng pal geh ală broă lơh di pal mờ geh cồng nha nàng kơrian kòp gơmŭt mờ lơh gơtờp. Ală bộ, gah lơh broă dà lơgar, ală càr, ƀòn dờng lơh jăt mơ jơnau sồr bơh Thủ tướng Chính phủ, tơnguh broă rơcang lài mờ broă di gơlan gơtìp kòp gơtờp; tơnguh kơnòl cau lam bồ, lơh jăt pràn, ndrờm bal ală broă rơcang sơndră mờ kòp neh geh ai mờ gùng dà broă lơh “rơcang sơndră pràn, gŏ gờñ, tam cah mhar, sơm kòp geh cồng nha, bơsong gơs, mhar ring niam bơta kòp”.

Cau mblàng Ndong Brawl