VOV4.K’ho - Ban Thường vụ Tỉnh ủy Kon Tum pa geh dơ̆ lơh broă mờ Ban Thường vụ Huyện ủy Ngọc Hồi.

Tàm dơ̆ lơh broă, Ban Thường vụ Huyện ủy Ngọc Hồi dan mờ Ban Thường vụ Tỉnh ủy Kon Tum pơn jăt tai ai kờnhoal Ngọc Hồi pơgồp bal mờ tiah lơh sa mpồng nhàr dà lơgar dunia Bờ Y là dùl tàm ală tiah lơh sa tờm bơh càr dê nàng chồl pràn broă tơnguh bơtàu lơh sa, dong kờl kơnhoàl geh tơl bơta pràn hòi jà ală gah lơh sa bơcri priă lơh sa kă bro, tơnguh bơtàu broă lơh sa mpồl bơtiàn, drơng jơnau kờñ bơ̆t bơtàu nàng kơnhoàl geh khà ƀòn drà khà IV.

Jơnau đơs pơn dŭt tàm dơ̆ lơh broă, ồng Dương Văn Trang, Bí thư Tỉnh ủy Kon Tum sồr kơnhoàl Ngọc Hồi kơlôi sơnơng broă lơh nàng tơmù ală broă ờ pràn tàm broă tơnguh bơtàu lơh sa mpồl bơtiàn; sền kuơ broă tơnguh bơtàu lơh sa suơn sre ngui công nghệ cao, tam gơl phan tam mờ ală bơta phan tòm chi sa plai gơdờp mờ trồ tiah, ù tiah tàm tiah do; sền wơl broă pờ ơnàng bă ù tam tòm mắc ca nàng tơnguh bơtàu broă lơh sa; đơng lam, lam sồr, tơnguh nàng 5 xã neh geh khà xã ƀòn lơgar pa pơn jăt tai lơh geh khà ƀòn lơgar pa tơnguh uă ha là xã ƀòn lơgar pa lam lài.

Cau mblàng Ndong Brawl