VOV4.K’ho - Ƀan Tuyên giáo Dà lơgar pa bơyai lơh dơ̆ jào khà pơn jờng mờ Ràng tơlik dơ̆ pơrlòng rùp niam kấp dà lơgar bè tơngu me dà lềng, bồt dà lềng ƀòn lơgar mờ măt sơnđah “Dà lơgar tềng gah dà lềng”.

                                                Bàr nă cau geh khà dùl tàm dơ̆ pơrlòng

Dơ̆ pơrlòng là dùl tàm ală broă lơh niam cíñ trị, mpồl bơtiàn, lam sồr ală cau chài, ală cau gơboh kờñ kŭp rùp bơceh lơh uă pang rùp pa. Tàm khà mờr 6 rơbô pang rùp tus pơrlòng, Mpồl bơyai lơh neh rơwah rơlao 121 pang rùp mŭt tàm dar pơrlòng dŭt ndơl mờ pơn jờng bal mờ jào 2 khà 1, 4 khà 2, 6 khà 3, 10 khà pơn jờng. Đơs tàm dơ̆ jào khà pơn jờng, Kuang atbồ Ƀan Tuyên giáo Dà lơgar ồng Nguyễn Trọng Nghĩa đơs, bơh dơ̆ pơrlòng do, nùs nhơm pơn yờ să dà lơgar, bơhiàn kờñ gơboh mờ dà lơgar, bồ tơngoh git jơnau mờ geh kơnòl bè bơta khăt gơboh is, gơnoar tờm ù tiah dà lơgar dùl dơ̆ tai geh ai tơngŏ uă, tơnguh sùm pràn kơl dang tàm nùs nhơm, bồ tơngoh kơlôi sơnơng bơh tơl nă cau lơgar Việt Nam dê.

Cau mblàng Ndong Brawl