VOV4.K’ho- Ngai 27/5, Kuang atbồ dờng Baỏ hiểm Xã hội Việt Nam ồng Nguyễn Thế Mạnh ala mat gùt mpồl công chức, viên chức, cau lơh broă gah Bảo hiểm Xã hội neh jàu 2 tơmàn đong dong kờl Kes priă rcang sơndră kòp Covid-19 bơh Ủy ban Mặt trận dà lơgar Việt Nam dê. Do là khà priă tă pơgồp is bơh jơh gùt mpồl Kuang bàng công chức gah Bảo hiểm Xã hội Việt Nam dê.

Bảo hiểm Xã hội jàu 2 tơmàn đong dong kờl broă rcang sơndră kòp Covid-19

Tềng đap bơta kòp Covid-19 kal ke, jŏ jòng, bơdìh mờ broă sền gàr lơh jat tơl làm gơnoar kuơ bơh cau blơi Bảo hiểm Xã hội, Bảo hiểm Y tế, Bảo hiểm ờ geh broă lơh dê, Bảo hiểm Xã hội Việt Nam sùm jat sền bơta rcang sơndră kòp Covid-19 nàng di tŭ geh ală jơnau dan nàng lơh geh tơl bơta dong kờl uă ngan rlau jơh ai cau blơi Bảo hiểm in tàm broă dờp geh broă dong kờl bơh Bảo hiểm Xã hội, Bảo hiểm Y tế, Bảo hiểm ờ geh broă lơh. Tơnơ̆ dơ̆ kòp Covid-19 dơ̆ 4 bơtờp kòp wơl tơn, Bảo hiểm Xã hội Việt Nam neh di tŭ sồr bảo hiểm Xã hội ală càr rcang pơgồp bal mờ ală mpồl lơh broă geh gơrềng sền gàr niam ngan rlau jơh gơnoar kuơ kham sơm kòp ai cau blơi Bảo hiểm Y tế in.

Cau mblàng K’Hạnh