VOV4.K’ho- Jat Ủy ban tĕ khà ƀòn dờng Bảo Lộc, càr Lâm Đồng yal, gùt ƀòn dờng geh mờr 116 rbô nă cau tĕ khà tus bal tĕ khà Quốc hội khóa 15 mờ Hội đồng Nhân dân ală kấp tơngai lơh broă bơh nam 2021 tus nam 2026, tàm 90 anih đùh sră.

Tus tŭ do, tàm hìu lơh broă Ủy ban Nhân dân ală sơnah, ƀòn, xã, tổ dân phố halà ƀòn làng bol ơm kis mờ ală anih đùh sră tĕ khà, mat cau tĕ khà mờ kuang bàng tơlik mat tĕ khà neh geh lir loh làng; ala mat ală mpồl tĕ khà tàm ală sơnah ƀòn, xã kung neh rơcang lài sền gròi, bơ tơl mat cau tĕ khà jat jơnau cih bơh Adat tĕ khà dê; lam lơh ring bal ală rơndap broă sền gàr lơngap lơngai, lơh sơnơm, broă lơh rơcang sơndră kòp Covid-19 drơng dơ̆ tĕ khà. Broă lơh rơcang tĕ khà ngai 23/5 do in neh geh rơcang tơl làm, tơl broă geh lơh jat di broă rơndap lơh nàng cau tĕ khà geh dơ̆ tĕ khà yŭ rơyùm, tềm pềr, ờdo ờdă mờ gàr jat jơnau cih bơh Adat tĕ khà dê mờ ngan ngồn là ngai chờ bơh jơh gùt làng bol dê.

Cau mblàng K’Duẩn