VOV4.K’ho-Gơ wèt mờ cau kue\t kơlte, broă ròng gàr is să tờm neh là bơta kal ke ngan. Mơya, tàm [òn dờng Kon Tum, càr Kon Tum dê geh dùl nă cau kue\t kơlte neh lơh ngan pơđơl pràn is, bơh gi\t nđờ jơ\t nam do ngềt ngơ\t tă pơgồp uă bơta pràn dà kơlhề, sền gròi dong kờl ai uă cau kue\t kơlte mờ cau geh rài kis kal ke ndai in. Cau mờ bol a` kờ` đơs hơ\ là bi Đàn Văn Hồng, cau atbồ mpồl lơh broă nùs nhơm niam Guitar 5.

Tàm [òn dờng Kon Tum, bi Đàn Văn Hồng, 53 sơnam, cau tờm dùl hìu tăc dà kơphê dềt tàm gùng Nguyễn Văn Trỗi là dùl nă cau mờng quèng ngan gơ wèt mờ ală cau lơh broă nùs nhơm niam. Nam bi 19 sơnam, tơnơ\ dơ\ reh as gơtìp aniai gơbàn kơn jơ\ tă te\ che ơră ntìng gòr ngkời, bàr nơm jơng bi Đàn Văn Hồng dê lòt rê gơtìp bòl glar kal ke ngan. Bơh dùl nă cau să jan pràn kơldang, rài tơnơ\ do bềng bơta kơ\p kơnờm nisơna gơlik wơl là dùl nă cau kue\t kơlte, bi Đàn Văn Hồng ờ go\ muăt jrùm mờ lơh broă is jòi priă jền ròng siam rài kis he dê. Lài mờ tu\ apah hìu pờ anih tăc dà kơphê Guitar 5, bi Hồng neh lơh uă ngan broă, bè pờ ơdu\ bơto pe\ đờng, dờp lơh niam wơl jiơ cau in…bal mờ jơh ală bơta pràn mờ bơta jơh nùs jơh tồr ngan:

Cau bè ờs halà cau kue\t kơlte đơs bal là pal lơh broă. Cau ờ gơtìp kòp tê jê să ờ bài kờ` lơh kung jơgloh sơl gơ dê den là ba` đơs tus là cau kue\t kơlte. Cau kue\t kơlte jat a` den pal lơh ngan jơh tơl pràn bơh he dê. Broă hơ\ dipal mờ bơta pràn he dê. He lơh ngan jơh nùs jơh tồr. Lơh broă lơi kung bè hơ\ lơm, lơh ngan jơh nùs jơh tồr lơh tus gơtùi là gơ geh lơh gơtùi mờ he. He ba` sơning he là cau kue\t kơlte là he lơh gơtùi den mbè gơtùi lơh geh gơ tàih. Mờ cau bè ờs ne khi ờ jơh nùs jơh tồr lơh broă den kung ờ gơtùi sơl den ba` đơs tai chi lơi tus mờ cau kòp tê jê să.

Bi Đàn Văn Hồng, Cau atbồ Mpồl lơh broă nùs nơm niam Guitar 5

Là cau kue\t kơlte, gi\t wa\ jơh bơta kal ke, bàs sìl, ờ khin bơh cau kue\t kơlte dê, gi\t nđờ jơ\t nam do, bi Đàn Văn Hồng ngềt ngơ\t tus mờ ală cau geh dùl rài kis bal, tàm pà bal, pơndờm pơnđiang bal, dong kờl khi kơ\ kơl jăp bơta pin dờn sơrlèt gan bơta lòng bòl glar kal ke ngan bơh rài kis dê. Rài kis bi dê bal mờ ală phan pà dềt geh bơh bơta pràn lơh broă mờ bi tam pà bal neh lơh geh tai bơta pin dờn mờ bơta pràn dờng ngan gơ wèt mờ ală cau kue\t kơlte ndai. Gơlơh sền dờng màng ngan nùs nhơm kờ` gơboh kòn bơnus bơh cau klau kue\t kơlte dê, nam 2015, uă cau kờ` lơh bal, bal mờ bi Đàn Văn Hồng lơh broă nùs nhơm niam mờ Mpồl lơh broă nùs nhơm niam Guitar 5 crơng gơs bơh bi Hồng lơh cau atbồ mpồl. Chờ hờp rlau tai là tàm gùng lòt tàm tơrbo\- tam pà bal bơta kờ` gơboh bơh mpồl dê, bi Hồng sùm geh dùl nă cau tàm mpồl krơi is ngan lòt bal sùm hơ\ là bi Trần Thị Hiệp, pơ ùr bi dê:

Rài kis bol oh dê kung pơđơl pràn lơh ngan sơrlèt gan is sơl. Gơtùi lòt lơh broă niam tàm tiah lơi kung lòt lơm. Ùr bơklau lơh bal sền go\ gơlơh chờ hờp ngan. He bè hơ\ geh uă cau khi gam kal ke rlau mờ he tai. He tam pà bal uă den he sền go\ gơlơh chờ hờp rlau tai.

Nàng geh priă ai lơh broă nùs nhơm niam in, bi Đàn Văn Hồng mờ Mpồl lơh broă nùs nhơm niam Guitar 5 ring bal, ngai 21 pah nhai bơyai lơh Mang đơs crih tam ya lơh broă nùs nhơm niam tàm hìu tăc dà kơphê bơh bi dê nàng geh priă jền lơh broă. Di ngai 12 pah nhai bơh priă jền tă pơgồp geh, jơh dùl mpồl geh tơrgùm să bal lòt dong kờl cau kue\t kơlte mờ cau geh rài kis kal ke tàm càr Kon Tum. Tu\ do, mpồl gam dờp ròng siam sền gàr 6 nă ồng mò kra ơm kis is dùl nă să ờ geh anih kơldìng, dong kờl pah nhai ai tơl nă ồng mò in 300 rbô đong. Bè bơta kơ\p kờ` bơh he dê, bi Đàn Văn Hồng, pà gi\t:

Jơh tơl nă he cèng nùs nhơm kờ` gơboh kòn bơnus he dê nàng tam pà uă rlau tai. Bơta hơ\ là bơta kuơmàng ngan rlau jơh. Nàng he kờ` gơboh jơh tơl nă cau, tàm jơm glòm bal nàng sơrlèt gan tàm rài kis. Bulah rài kis lơngai halà bòl glar, nùs nhơm kờ` gơboh kòn bơnus hơ\ là dờng màng ngan rlau jơh nàng cau in sơrlèt gan.

Bi Đàn Văn Hồng mờ pơ ùr lơh rùp lu\

Sơrlèt gan bơta kue\t kơlte să jan dê, tàm gùng lòt tàm tơrbo\- tam pà bơta kờ` gơboh, bi Đàn Văn Hồng bal mờ Mpồl lơh broă nùs nhơm niam Guitar 5 neh dong uă ngan cau kue\t kơlte mờ ală cau geh rài kis kal ke sơlơ kơ\ kơl jăp tai bơta pin dờn tàm rài kis. Ală broă lơh nùs nhơm niam mờ bi bal mờ mpồl bi dê lơh tàm ală tiah làng bol kòn cau, tiah sar lơgar ngài, tiah kal ke uă ngan bơh càr Kon Tum dê, bè: Đăk Glei, Tu Mơ Rông, Kon Plông…neh lời wơl nùs nhơm niam bơne\ gơ wèt mờ làng bol bal mờ gơnoar atbồ tàm ală tiah hơ\ dê.

Cau mblàng Lơ Mu K’Yến