VOV4.K’ho - Drim òr (20/12), di tơnkah 77 nam ngai crơng gơs Ling klàng làng bol Việt Nam, ồng Đinh Tiến Dũng, Ủy viên Ƀộ Cíñ trị, Ƀí thư Thành ủy Hà Nội neh tus còp, chờ gờm kuang bàng, cau ling tàm mpồl đơng lam ling klàng càr lơgar.

Ồng Đinh Tiến Dũng, Ủy viên Ƀộ Cíñ trị, Ƀí thư Thành ủy Hà Nội jào pà goàng bơkào chờ gờm mpồl đơng lam ling klàng càr lơgar

Đơs tàm dơ̆ chờ gờm, Ƀí thư Thành ủy Hà Nội ồng Đinh Tiến Dũng dờp, pơn jờng mờ chờ gờm ală cồng nha bal mờ broă pơgồp bal bơh kuang bàng, cau ling tàm mpồl đơng lam ling klàng càr lơgar tàm nam 2021; chờ gờm kuang bàng, cau ling tàm mpồl đơng lam ling klàng càr lơgar pơn jăt tai tơnguh bơta niam, rùp rài “Cau ling wa Hồ”, “Cau ling Càr lơgar” lơh geh uă cồng nha, broă lơh rơlai tai, là anih kơl dìng pin dờn, kơl jăp bơh Đảng ƀộ, gơnoar atbồ bal mờ làng bol càr lơgar. Tềng đăp mờ bơta kal ke bơh kòp Kovid-19, Ƀí thư Thành ủy sồr Mpồl đơng lam ling klàng Càr lơgar pơn jăt tai rơcang ală gùng dà broă lơh uă rơlao tai, pơgồp bal mờ ală mpồl, tŭ lơi kung rơcang lài xét nghiệm, dờp, sơm kòp cau gơtìp kòp in.

          Cau mblàng Ndong Brawl