VOV4.K’ho- Ồng Dương Văn Trang- Ủy viên Đảng dà lơgar, Bí thư Tỉnh ủy Kon Tum pa lòt còp mờ lơh broă mờ kuang bàng Pôs ling sền gàr tiah nhàr dà lơgar mpồng nhàr lơgar dunia Bờ Y. Jat jơnau yal, tàm nam 2020 mờ quý 1 nam 2021, Pôs đồng neh kup, yă 6 broă lơh tìs, 9 nă cau tìs, kup bàn rlau 13 kĭ ma túy ală bơta, neh lơh sir sră nggal bơh sơn rờp, jàu cau lơh tìs, phan kup bàn, rơndeh rơndồ ai Kuang àng càr in nàng pơn jat tai lùp khàu, lơh glài jat jơnau cih bơh adat boh lam dê; lơh glài rlau 130 broă lơh tìs, rlau 350 nă cau lơh tìs kơrnuat tiah nhàr dà lơgar mờ lik hờ lơgar ndai, mut tàm lơgar he tìs mờ adat boh lam; pơgồp bal mờ ală mpồl lơh broă geh gơnoar git gŏ, kup 2 broă lơh tìs, 2 nă cau tìs, kup bàn rlau 1 rbô 430 kĭ phău ală bơta....

Đơs pơn dut dơ̆ lơh broă, Bí thư Tỉnh ủy Kon Tum ồng Dương Văn Trang sồr Mpồl đơng lam Pôs ling sền gàr tiah nhàr dà lơgar mpồng nhàr lơgar dunia Bờ Y lơh broă mờ kơnòl dờng ngan rlau jơh; sùm pơn jờng kuang bàng, cau ling pôs ling lơh gơs niam tơl kơnòl broă geh jàu; jơh nùs rơcang ngac, sền gròi nền nòn, bañ lơh tìs adat boh lam.

Cau mblàng K’Duẩn