VOV4.K’ho- Ồng Dương Văn Trang, Ủy viên Đảng dà lơgar, Bí thư Tỉnh ủy Kon Tum pa geh dơ̆ lơh broă mờ kuang bàng, cau ling pôs ling sền gàr tiah nhàr dà lơgar Rơ Long (xã Đăk Long, kơnhoàl Đăk Glei). Tàm dơ̆ lơh broă, pôs ling sền gàr tiah nhàr dà lơgar Rơ Long dan: Ală kấp sền gròi lơh niam wơl gùng sền gàr tiah nhàr dà lơgar tài sùm gơtìp tơrlah dờng tàm kàl mìu lơh gơ rềng tus broă lam lơh kơnòl broă; bơt bơtàu gùng lò ka, tơrbŏ ală gùng lòt sền tus ală anih sơn tơp jrong tiah nhàr dà lơgar, lơh pơng gàr jrong sơn tơp; tơnguh tŭ tơngai lơh đèng sòl àng; lơh niam mpồng sơnĕ Đăk Long tus mpồng nhàr lơgar tờm nàng drơng ai broă nhơl chờ mờ tac bro phan bơna in.

Ồng Dương Văn Trang, Bí thư Tỉnh ủy Kon Tum tơngkah, tàm tŭ lòt sền, sền gàr gùng nhàr dà lơgar sơn tơp jrong pal pơgồp bal lam lơh broă atbồ, sền gàr brê. Gah đơng lam mpồl ling sền gàr tiah nhàr dà lơgar càr mờ pôs ling sền gàr tiah nhàr dà lơgar Rơ Long pal sùm pơn jờng kuang bàng, cau ling lơh gơs niam kơnòl broă geh jàu. Pôs ling sền gàr tiah nhàr dà lơgar Đăk Long pal bơyai lơh dờp lơh oh mi mờ xã Đăk Long, cribơyai mờ xã tàm broă bơt bơtàu Đảng ủy, gơnoar atbồ xã mờ dong làng bol git broă lơh sa, tơrmù rƀah mờ bơt bơtàu ƀòn lơgar pa.

Cau mblàng K’Duẩn