VOV4.K’ho- Drim ngai 25/5, ồng Dương Văn Trang- Ủy viên Đảng dà lơgar, Bí thư Tỉnh ủy Kon Tum neh tus còp mờ lơh broă mờ Hợp tác xã Lơh sa suơn sre Công Bằng Pô Kô Farms tàm kơnhoàl Đăk Hà. Nam 2020 là nam sơnrờp Pô Kô Farms tơlik mat drà kă bro tăc rah rài 2 mpồl phan bơna: Kơphê coh măi mờ cê phe lứt. Bơdìh mờ kơphê coh măi geh lơh bơh phan lơh geh bơta niam bơkah neh geh lài den cê phe lứt là dùl phan bơna sền gròi pràn kơldang, bơta hàng niam să jan geh lơh bơh ală phan lơh geh tam tàm bơr lŭ bal tàm ù tiah tam kơphê. Pô Kô Farms gơ gơs là tiah tăc gar tơlir pin dờn ngan, bơkah niam, gàr niam tiah tờm lơh gơlik ai uă ngan hìu măy chàng xay tàm gùt lơgar mờ dunia in. Nam 2020, kờp jơh priă lơh geh rlau 18 tơmàn đong.

 Bí Thư Tỉnh ủy Kon Tum sồr Hợp tác xã pơn jat tai lơh ngan mpồl lơh broă lơh sir nàng tơnguh cồng nha lơh broă, tam klăc bal, ngui niam bồ tơngoh jak nàng đơng lam, atbồ bơt bơtàu Hợp tác xã. Mơkung sồr kơnhoàl Đăk Hà rề ơnàng broă lơh hợp tác xã do gơ gơs broă lơh tơrlòng lài.

Cau mblàng K’Hạnh