VOV4.K’ho- Bộ Chính trị pa geh Jơnau đơs pơndu\t bè lơh jat bàr pe broă lơh tơrlòng lài jat Nghị quyết sồ 18 ngai 25/10/2017 bơh Ban Chấp hành Đảng Dà lơgar khoá 12 dê “Bàr pe broă pơn jat tai tam gơl pa, rơndăp tăp sèng mpồl kuang bàng lơh broă bơh ală anih lơh broă chính trị dê mìng lời wơl dùl êt nă cau, lơh broă jak mờ geh cồng nha”.

Prao broă lơh tơrlòng lài geh đơs tàm Jơnau đơs pơndu\t bơh Bộ Chính trị dê ndrờm geh lơh loh làng cau, loh làng broă, loh làng kơnòl, geh bơta tam pà kấp, tam pà gơnoar tàm tu\ lơh jat. Tàm hơ\, jàu Ban Thường vụ kấp càr, kấp kơnhoàl in jat tàm bơta geh ngan tàm tiah he dê, rơcang lài sac rwah lơh jat broă lơh tơrlòng lài lơh bal gơnoar broă cau atbồ anih lơh broă pơlam gùng, dong broă bơh kấp ủy mờ bơh gơnoar atbồ kấp càr, kấp kơnhoàl dê; lơh tơrlòng lài tơmu\t bal anih lơh broă pơlam gùng, dong broă bơh kấp ủy dê mờ anih lơh broă ờs mờng gơ wèt UBND kấp càr, kấp kơnhoàl.

Lơh tơrlòng lài Kuang atbồ Ban dân vận kấp ủy mơkung là Chủ tịch Ủy ban Mặt trận dà lơgar Việt Nam kấp càr, kấp kơnhoàl. Lơh jat rơndăp tăp sèng wơl đảng bộ gah mpồl lơh sa kă bro kấp càr. Lơh tơrlòng lài tơmu\t bal ală anih lơh broă ờs mờng gơ wèt UBND kấp càr, kấp kơnhoàl. Lơh tơrlòng lài tơmu\t bal văn phòng mpồl kuang bàng Quốc hội, văn phòng HĐND mờ văn phòng UBND kấp càr.

Cau mblàng Lơ Mu K’Yến