VOV4.K’ho- Sră nggal jal mhar bè broă lơh gơlik bơta ƀuơn ai broă dờp priă càn blơi kòi, phe tac bro bơh Bộ trưởng Bộ Công thương ồng Nguyễn Hồng Diên dê kĭ ngai 12/8/2021 đơs loh: Nàng pơgồp bơnah dong kờl ai ală cau tac bro, mpồl lơh sa kă bro, cau lơh gơlik, tac kòi, phe tàm tơngai kòp Covid-19, Ngân hàng dà lơgar Việt Nam neh geh sră nggal sồr ală Ngân hàng kă bro mờ Ngân hàng dà lơgar sơnĕ ală càr, ƀòn dờng tiah ring dà dờng Cửu Long gàr priă ai càn nàng drơng broă blơi, prap ing kòi, phe tàm tiah ring dà dờng Cửu Long mờ uă broă lơh.

Bulah bè hơ̆, bơh broă lơh gròi sền broă gơlik geh bơh drà kă bro mờ jơnau tơnggit cribơyai mờ Mpồl kòi phe Việt Nam mờ ală cau tac bro hờ lơgar ndai phe, broă dờp priă bơcri jat sră nggal sồ 5747 ờ hềt geh ƀuơn. Nàng lơh gơlik bơta ƀuơn rlau tai ai ală mpồl lơh sa kă bro in tàm broă dờp priă càn blơi kòi, phe cau lơh broă sa in, Bộ Công thương dan Thủ tướng Chính phủ jàu Ngân hàng dà lơgar Việt Nam sền sơ wì, đơng lam ală Ngân hàng kă bro geh broă dong kờl bè priă cồng ai càn ai ală mpồl lơh sa kă bro in mờ lơh gơlik bơta ƀuơn ai ală mpồl lơh sa kă bro in geh càn priă mờ phan geh blơi.

Cau mblàng K’Duẩn