VOV4.K’ho – Bè jơnau yal bơh Rơndap broă “Tam gơl pa pơr lòng jơh bơsram cấp 3 dà lơgar mờ pơr lòng đại học, cao đẳng lơh pơgru, trung cấp lơh pơgru hệ chính quy tơngai bơh nam 2018 tus nam 2020” mờ kờp du\ priă tă lơh gơguh tus 749 tơmàn, ngai òr (22/5), Bộ trưởng Bộ Giáo dục mờ Đào tạo neh sồr ai wơl rơndap broă nàng bơsong lơh jơh.

Bộ Giáo dục mờ Đào tạo kung đơs lơh loh, khà rlau 749 tơmàn priă là khà kờp du\ ai 3 nam, bơh nam 2018 tus nam 2020; Mpồl cih rơndap broă neh tơmut uă bơnah priă ờ drơng tơn broă bơyai lơh pơr lòng jơh bơsram kấp 3 dà lơgar mờ pơr lòng đại học, cao đẳng, lơh gơbàn bơta ờ ring bal tàm broă git wă, kờ` pal kơlôi sơnơng bơsong tàm jơh bal tơngume mờ bơta priă jền tu\ cih lài Rơndap broă.