VOV4.K’ho – Drim òr (1/12), tàm Hà Nội, Bộ Giáo dục mờ Đào tạo bơyai lam lơh lơh jat jơnau bơceh gùt plai ù “Tơn jơh lơh pờng să jan kơnòm dềt tàm hìu nhă mờ hìu bơsram. Bộ Giáo dục mờ Đào tạo sồr Sở Giáo dục mờ Đào tạo ală càr, [òn dờng bal mờ ală hìu bơsram pơn jat tai lơh ală broă lơh bơh srơh pơr lòng “Bơt bơtàu hìu bơsram rềp mềl, kơnòm bơsram niam”; bơt bơtàu, lơh jat ală bơta pal jat niam chài tàm hìu bơsram.

Gơwèt mờ ală cau pơgru, pal sùm tơnguh git wă mờng chài lơh broă, ngan là git wă mờng chài lơh cau pơgru; tơnguh niam nùs nhơm lơh cau pơgru; tam gơl bơta sơnơng, ờ rồn bơ klơn, bơto bơtê mờ bơta git gơp niam. Ală cau pơgru pal sùm kờ` gơboh, song dơpă, tam pà mờ kơnòm bơsram, ba` ngui ală broă lơh pờng, tam cah is, đơs lah aniai tus mờ kơnòm bơsram tàm ală broă lơh bơto bơtê. Ală mè bèp kơ nòm bơsram pal lời tu\ tơngai jòi git ală broă lơh bơto bơtê pa, tam gơl nùs nhơm đơs ờ mờ broă lơh pờng tàm broă bơto bơtê kơnòm dềt…

                 Cau cih mờ yal tơnggit K’Duẩn