VOV4.K’ho- Bộ Giáo dục mờ Đào tạo pa geh sră nggal pơyua Chủ tịch Ủy ban Nhân dân ală càr, ƀòn dờng bè broă bơyai lơh pơrlòng jơh bơsram kấp 3 nam 2021 tàm tŭ tơngai kòp bơtờp gơlik geh kal ke. Jat hơ̆, Bộ Giáo dục mờ Đào tạo lơh nền tam pà dơ̆ pơrlòng jơh bơsram kấp 3 nam 2021 gơs 2 dơ̆. Mùl màl, dơ̆ 1 bơh dơ̆ pơrlòng jơh bơsram kấp 3 nam 2021 dê geh bơyai lơh tàm ală ngai 7 mờ 8/7.

Bộ Giáo dục mờ Đào tạo geh bơyai lơh dơ̆ pơrlòng dơ̆ 2 ai ală cau pơrlòng gơtìp gơ rềng tài bơh kòp Covid-19, geh ală cau pơrlòng gơ wèt mpồl F0, F1, F2 jat tam pà bơh gah lơh sơnơm dê, cau pơrlòng ơm kis tàm tiah gam gơtìp wàng se, lơh jat broă ơm yah ngài mpồl bơtiàn jat Jơnau sồr bơh Thủ tướng dê nàng lam lơh ală broă lơh jal mhar rơcang sơndră kòp Covid-19.

Bè tơngai pơrlòng dơ̆ 2, Bộ geh lơh nền tŭ tơngai mùl màl nàng bơyai lơh jat tàm jơnau sồr bơh ală càr, ƀòn dờng dê. Bộ kung sồr ală càr, ƀòn dờng kờp sền, git bè cau pơrlòng gơtìp gơ rềng tài bơh kòp Covid-19 ờ gơtùi tus bal pơrlòng dơ̆ 1, pơyua rê hờ Bộ lài mờ ngai 05/7.

Cau mblàng K’Duẩn