VOV4.K’ho- Bộ Giáo dục mờ Đào tạo pa geh sră nggal pơyua Ủy ban Nhân dân ală càr, ƀòn dờng bè broă ai bơta ƀuơn nàng tac sră măi drơng nam bơsram pa 2021- 2022 in. Tŭ do, mờr 95% sră neh geh jun tus ală tiah. Bulah bè hơ̆ broă pơndiang sră măi bơh ală hìu prap ơn, kong ti lip sră rê hờ kơnhoàl, xã, ală hìu bơsram mờ mè bèp, kơnòm bơsram, cau pơgru in lài mờ nam bơsram pa gam gơtìp uă kal ke, ngan là tàm ală tiah gam ơm yah ngài mpồl bơtiàn. Bộ Giáo dục mờ Đào tạo sồr ală tiah ai bơta ƀuơn ai broă pơndiang, tac sră măi tus hìu bơsram, kơnòm bơsram mờ mè bèp in nàng di tŭ rơcang ai nam bơsram pa 2021- 2022 in.

Cau mblàng K’Duẩn