VOV4.K’ho- Bộ Giáo dục mờ Đào tạo pa geh sră nggal pơyoa Chủ tịch Ủy ban Nhân dân ală càr, ƀòn dờng gơwèt dà lơgar in bè broă dờp, dong kờl ai kơnòm bơsram tàm tiah ơm kis tài bơh kòp Covid-19.

Jat Bộ Giáo dục mờ Đào tạo, tềng đap bơta kòp Covid-19 gơlik geh kal ke, uă kơnòm bơsram pal ntrờn rê tàm ală tiah ơm kis mờ ờ thàn rê wơl tàm hìu bơsram nàng sơnđờm mut nam bơsram pa. Nàng kờñ gàr niam gơnoar kuơ bơsram sră ai kơnòm bơsram in, Bộ Giáo dục mờ Đào tạo sồr Chủ tịch Ủy ban Nhân dân ală càr, ƀòn dờng gơwèt dà lơgar sồr Sở Giáo dục mờ Đào tạo, ală hìu bơsram lơh jat broă dờp, ai tơl bơta ƀuơn ai kơnòm bơsram in bơsram tàm tiah ơm kis tàm tơngai rcang sơndră kòp Covid-19, di pal mờ bơta geh ngan bơh ală tiah, ală hìu bơsram dê; pơgồp bal mờ ală tiah, hìu bơsram tiah kơnòm bơsram geh jơnau kơ̆p kờñ ntrờn tiah lòt mờ tiah tus nàng dờp mờ rơndap, rơndap ơdŭ bơsram ai kơnòm bơsram in jat di mờ cau.

Cau mblàng K’Hạnh