VOV4.K’ho- Bộ Giáo dục mờ Đào tạo pa geh sră nggal pơyua ală Sở Giáo dục mờ Đào tạo bè broă sơlơ tơnguh broă bơto bơsram bơh tàm internet, tàm anih sơñio rùp tàm tơngai ơm rlô bơsram nàng rơcang sơndră kòp Covid-19. Sră  nggal bơh Bộ Giáo dục mờ Đào tạo dê đơs loh, tềng đap broă gơlik geh kal ke bơh kòp Covid-19 dê, tàm tơngai kơnòm bơsram phổ thông, cau bơsram hìu bơsram bơto sùm ơm rlô bơsram ing, Bộ Giáo dục mờ Đào tạo sồr ală Sở Giáo dục mờ Đào tạo pơn jat tai sơlơ tơnguh ală broă lơh bơto bơsram tàm internet, sơñio rùp.

Mùl màl, ală Sở Giáo dục mờ Đào tạo pơlam ală hìu bơsram kờp sền, tơrmù ƀà tơngume nàng bơyai lơh bơto bơsram tàm internet, tàm anih sơñio rùp dùl bă dipal. Tàm tŭ lam lơh, pal sền gròi, ngui ală sră nggal bơto bơsram gơtùi pin dờn, dipal nàng lam lơh bơto bơsram mờ pơlam kơnòm bơsram in bơsram. Tŭ kơnòm bơsram lòt bơsram wơl, ală hìu bơsram geh kờp sền, sền sơwì cồng nha bơsram bơh kơnòm bơsram dê bơh tàm internet, tàm anih sơñio rùp.

Cau mblàng K’Duẩn