VOV4.K’ho- Tềng đap jơnau rềs àr gùng lòt ngòt rơngơ\t gơlik geh sùm tàm kùel kơh Lò Xo- gùng Hồ Chí Minh, càr Kon Tum, Mpồl lơh broă bơh Ủy ban Ờdo ờdă gùng lòt dà lơgar mờ Bộ Giao thông- Vận tải neh tus sền ngan ngồn gơl gùng do mờ sồr lơh tơn ală broă lơh kờ` tơrmù rềs àr gùng lòt. Broă lòt sền ală tiah gơtìp uă rềs àr geh lơh tàm jơh gơl gùng jòng 27 kơi sồ gùng kùel kơh Lò Xo, gơl gùng gơ wèt ù tiah xã Đăk Pét mờ Đăk Man, kơnhoàl Đăk Glei, càr Kon Tum.

Tềng đap jơnau rềs àr gùng lòt ngòt rơngơ\t gơlik geh sùm, kờ` ngan pal geh dùl broă lơh bal ai broă ờdo ờdă gùng lòt in, bè lơh ală jrong yal, k[àng yal, gàr kềng gah gùng; geh jơnau sồr gơ wèt mờ ală cau măy rơndeh, kuơmàng là cau măy rơndeh pơndiang năc bè khà lòt mhar mờ tu\ jiơ lòt gan gùng kùel kơh; bơh đap, bơh ngkời, tàm gùl kùel kơh geh ală anih ơm rlô nàng cau măy rơndeh in rlô să mờ geh tu\ jiơ sền wơl măy mok rơndeh nàng rơcang sơndră lài rềs àr gơlik geh.

Pa do ngan rlau jơh là tàm ngai 16/6, dùl dơ\ rềs àr gùng lòt ngòt rơngơ\t tàm kùel kơh Lò Xo, gơl lòt gan xã Đăk Pét, kơnhoàl Đăk Glei, càr Kon Tum neh lơh 3 nă cau chơ\t tàm hơ\ geh 2 nă sau dềt.

Cau mblàng Lơ Mu K’Yến