VOV4.K’ho- Ngai 15/10, Đại tướng ồng Tô Lâm, Bộ trưởng Bộ Kuang àng  đơng lam dơ̆ tìp mat mờ 400 nă kuang bàng dong kờl Kuang àng xã tiah nhàr lơgar tờm, kal ke bè sền gàr bơta lơngap lơngai, rơndap tap sèng, ờdo ờdă.

Bộ trưởng Tô Lâm pà phan ai ală kuang bàng, cau ling in

Lơh jat gùng dà broă lơh ai tai mpồl cau tam lơh tơn, wèt rê tàm ƀòn lơgar, rơndap tap sèng mpồl kuang bàng tàm ală kấp Kuang àng mờ bơt bơtàu Kuang àng xã chính quy, Bộ Kuang àng neh ai ngui broă rơndap lơh ai kuang bàng gam lơh broă tàm ală mpồl lơh broă gơwèt Bộ Kuang àng dê rê lơh broă tàm Kuang àng xã tiah nhàr lơgar tờm, kal ke bè bơta sền gàr lơngap lơngai, rơndap tap sèng, ờdo ờdă. Đơs tàm dơ̆ tìp mat, Bộ trưởng Tô Lâm đơs ngan, broă lơh ai kuang bàng ờ mìng nàng sơlơ tơnguh, bơtơl tai mpồl kuang àng ai Kuang àng xã in lơm mờ gam lơh geh ală bơta nàng ală kuang àng in sền gĭt, pơlam tàp, pơrlòng, bơtơl tai bơta mờng chài geh ngan. Bộ trưởng sồr kuang bàng geh sồr rê lơh broă tàm kuang àng xã tiah nhàr lơgar pal mhar bơsong bơta kal ke, gờñ mut gơrờm bal mờ tiah ơm kis tàm tiah lơh broă pa mờ mut lơh broă tơn tàm broă lơh jat kơnòl broă geh jàu.

Cau mblàng K’Hạnh