VOV4.K’ho - Ngai òr (09/11), Bộ Kuang àng bơyai lơh dờp bal ngai Adăt boh lam Dà lơgar Cộng hoà xã hội chủ nghĩa Việt Nam. Đại tướng Tô Lâm, Uỷ viên Bộ Chính trị, Bộ trưởng Bộ Kuang àng đơs tàm dơ̆ pơrjum, mờ đơs loh: Ngai Adăt boh lam lơgar Cộng hoà xã hội chủ nghĩa Việt Nam neh geh Kuang àng ală mpồl lơh broă, ală tiah dờp bal niam, lơh jăt nền nòn, geh bơta niam mờ ală broă lơh mùl màl, bơceh pa, di pal mờ bơta geh, bơta mùl màl bơh dà lơgar dê, lơh geh uă, pràn kơl dang, pơgồp bal tàm broă tơnguh jơnau git wă, git geh kơnòl, nùs nhơmgit adăt boh lam, sền gàr adăt boh lam bơh ală làng bol đơs bal, bơh kuang àng, cau ling kuang àng đơs is.

Bộ trưởng Tô Lâm sồr Kuang atbồ gah kuang àng tàm ală mpồl lơh broă, ală tiah lơh niam rơlao tai broă sền gròi broă lơh jăt adăt boh lam, yal, bơto bơtê adăt boh lam, lơh jăt kơrnoăt làng bol lơh tờm, atbồ bè broă bơsong tìs mờ adăt boh lam geh lơh sùm, geh cồng nha.

Cau mblàng Ndong Brawl