VOV4.K’ho- Drim do ngai 22/6, tàm Hà Nội, Bộ Kuang àng bơyai lơh pơrjum pờ tơlik tơn tàm internet tơn jơh broă bơt bơtàu, lam lơh rơndap broă lơh Cơ sở dữ liệu dà lơgar bè làng bol ơm kis, Rơndap broă lơh gơlik, pà, atbồ Căn cước làng bol mờ dơ̆ yal bơr mut ngui ngan ngồn Anih lơh broă do bơh ngai 1/7/2021. Broă bơt bơtàu Cơ sở dữ liệu dà lơgar bè làng bol ơm kis là dùl tàm ală kơnòl broă tờm, lơh geh bơnàng jă ai broă lơh atbồ sră nggal dà lơgar dê jat broă lơh pa, ngui công nghệ thông tin tàm broă bơsong sră nggal ai làng bol, mpồl lơh sa kă bro, nàng kờñ lơh ƀuơn ngan sră nggal, tơrmù ƀà sră pơ àr làng bol, tơrmù ƀà tŭ tơngai mờ priă jền bơsong sră nggal, tơnguh uă cồng nha atbồ dà lơgar mờ pơgồp bơnah  bơtàu tơnguh Chính phủ điện tử.

Mờ ală cồng nha neh lơh geh, Bộ Kuang àng ngan ngồn yal sền bal là neh lơh sir ală jơnau kờñ rơndap broă lơh bơt bơtàu Cơ sở dữ liệu dà lơgar bè làng bol ơm kis mờ rơndap broă lơh gơlik, pà mờ atbồ Căn cước làng bol. Bàr anih lơh broă do geh ngan ngồn lơh broă bơh ngai 1/7/2021 mờ rcang lài tàm tơrƀŏ bal mờ ală Bộ, gah sơnah lơh broă, ală tiah drơng broă bơt bơtàu Chính phut điện tử mờ drơng broă làng bol.

Cau mblàng K’Hạnh