VOV4.K’ho – Drim òr (9/1), tàm Hà Nội, Bộ Lao động – Thương binh mờ Xã hội bơyai lơh tơngkah 30 nam bơt bơtàu mờ bơtàu tơnguh [òn kơnòm dềt SOS Việt Nam mờ dờp Gai lòng lơh broă khà 1.

Tàm dơ\ bơyai lơh, ồng Đào Ngọc Dung, Bộ trưởng Bộ Lao động - Thương binh mờ Xã hội đơs niam ală rơnàng mè bèp, mò, mơi kuang bàng, cau pơgru mờ cau lơh broă [òn SOS Việt Nam neh geh ală tă pơ gồp kuơ màng dong git nđờ rbô nă kơnòm dềt Việt nam jòi wơl hìu bơnhă, geh rài kis tơl niam, geh dờp bơta gơboh gơbài sơnam gam dềt dê, geh dong kờl dờng pràn tơl làm mờ rơcang ală bơta kuơ màng nàng gơ gơs là cau geh kuơ.

Ồng Đào Ngọc Dung sồr ală [òn SOS Việt Nam pal lơh niam rlau tai broă lơh sền gròi kơnòm dềt, tơnguh bơta niam sền gròi ală sa, sền gròi tus broă bơto bơtê jơnau git wă, ală bơta kuơ màng nàng kơnòm dềt kis gơ rờm bal mờ mpồl bơtiàn.

              Cau cih mờ yal tơnggit K’Duẩn