VOV4.K’ho - Thứ trưởng Bộ Ngoại giao ồng Bùi Thanh Sơn bal mờ mpồl kuang bàng lơh broă Tây Nguyên neh dong kờl 100 tơlăk priă dong kờl làng bol tàm càr Dak Nông tơmù hoàc huơr bơh mìu càl dờng sồ 12.

Jăt jơnau bơh UBND càr Dak Nông yal, mìu càl dờng sồ 12 neh lơh tơrlah 42 nơm hìu, lơh aniai rơlao 500 lồ phan tam, lơh tơrlah ờ uă broă lơh gùng lòt, bơtơ\t rơbòng dà, ồs đèng tàm ală kơnhoàl Krông Nô, Dak Glong.

Tàm dơ\ jào priă dong kờl, ồng Bùi Thanh Sơn tơl^k nùs nhơm tam pà bal tềng đăp mờ ờ uă hoàc huơr mờ làng bol tàm càr Dak Nông gơbàn.

Do là khà priă geh kuang bàng, cau lơh broă tàm Bộ Ngoại giao tă pơgồp bal, geh jào ai 38 hìu làng bol tàm 2 kơnhoàl Krông Nô mờ Dak Glong gơbàn hoàc huơr bơh mìu càl dờng lơh aniai.

Cau cih mờ yal tơng^t Ndong Brawl