VOV4.K’ho- Tàm xã Yên Bài, kơnhoàl Ba Vì, ƀòn dờng Hà Nội, Bộ Quốc phòng pa bơyai lơh dơ̆ lam lơh lơh jat Broă lơh tam 1 tơmàn tờm chi “Tài dùl Việt Nam tơlir”.

Ala mat Quân ủy dà lơgar, Bộ Quốc phòng, Thượng tướng Phan Văn Giang sồr ală anih lơh broă, mpồl ling pơn jat tai lơh niam rlau tai broă lơh mblàng yal, bơto bơtê, pơlam lơh jat, lơh jat nền nòn Jơnau sồr bơh Thủ tướng Chính phủ mờ jơnau sồr bơh Bộ trưởng Bộ Quốc phòng dê; tơnguh jơnau git wă ai tơl nă kuang bàng, cau ling, công nhân viên quốc phòng bè bơta kuơ dờng màng mờ jơnau gơtha bơh broă tam chi, tam brê, sền gàr brê, lơh gơlik srơh tam chi làm uă tàm gùt ling klàng, pơgồp bơnah sền gàr tiah ơm kis brê bơnơm, tơrmù bơta gơ rềng bơh tam gơl trồ tiah dê. Sồr ală anih lơh broă, mpồl lơh broă tàm gùt ling klàng mhar lam lơh broă rơndap lơh tam chi, tam brê jat broă rơndap lơh 5 nam, bơh nam 2021 tus nam 2025.

Cau mblàng K’Duẩn