VOV4.K’ho- Thượng tướng ồng Hoàng Xuân Chiến- Thứ trưởng Bộ Quốc phòng pa jàu ai lơh pơrya gời ai Đại sứ ala măt lơgar Cộng hoà Dân chủ Nhân dân Lào in tàm Việt Nam là ồng Sengphet Houngboungnuang khà phan bơna sơnơm tơm ba rơcăng sơndră mờ sơm kòp Covid-19 kờp priă rlau 5 tơmàn 200 tơlak đong bơh Bộ Quốc phòng Việt Nam dê pà Bộ Quốc phòng lơgar Lào in.

Thượng tướng ồng Hoàng Xuân Chiến- Thứ trưởng Bộ Quốc phòng pa jàu ai lơh pơrya gời ai Đại sứ Lào in tàm Việt Nam là ồng Sengphet Houngboungnuang

Thượng tướng ồng Hoàng Xuân Chiến pà gĭt: Bộ Quốc phòng Việt Nam neh sồr ală Ling klàng ală kơnhoàl ù tiah, Gah đơng lam ling klàng, Gah đơng lam Mpồl ling sền gàr tiah nhàr lơgar ală càr geh bal gùng nhàr lơgar mờ lơgar Lào tàm bơta tơl pràn bơh he dê rơcăng dong kờl dilah đah lơgar Lào geh jơnau sồr. Đại sứ ala măt lơgar Lào ồng Sengphet Houngbuongnuang đơs sùm, tŭ kòp Covid-19 lơh bơtờp tàm lơgar Lào, Việt Nam là lơgar gơ̆p bơyô bơh sơnrờp dong kờl lơgar Lào jơh bal bè phan bơna sơnơm tơm ba mờ cau jak chài tàm gah broă do tàm tơngai Việt Nam kung gam pal kong mờ kòp bơtờp sơl, tàm hơ̆ Mpồl ling klàng làng bol Việt Nam neh dong kờl jơh nùs mờ sơrbac sơrbang ngan.

Cau mblàng Lơ Mu K’Yến