VOV4.K’ho- Tàm dơ̆ pơrjum gùt mpồl Ủy ban Kinh tế bơh Quốc hội dê  ngai 24/6, Bộ trưởng Bộ Tài chính ồng Hồ Đức Phớc đơs loh, pa do, Ủy ban Thường vụ Quốc hội neh ring bal tă 14 rbô tơmàn đông bơh kes priă dà lơgar bal mờ priă bơh kes priă sơnơm vaccine rơcang sơndră kòp Covid-19 mờr 8 rbô tơmàn đông, kờp jơh là 22 rbô tơmàn đông, mờr tơl nàng cit sơnơm vaccine rơcang sơndră kòp Covid-19 ai 75 tơlak nă cau in, tơl nă cau cit 2 ding. Lồi nhai 5, Ủy ban Thường vụ Quốc hội lơh nền ngui 12 rbô 100 tơmàn đông priă tềm pềr tă dơ̆ ngui nam 2020 nàng blơi sơnơm vaccine rơcang sơndră kòp Covid-19. Mờ kờp dŭ blơi 150 tơlak ding sơnơm vaccine ai mờr 75 tơlak nă cau in, Bộ Tài chính kờp dŭ kờñ pal geh mờr 25 rbô tơmàn đông.

Cau mblàng K’Duẩn