VOV4.K’ho- Kòp Covid-19 kal ke den làng bol ờ hoan lik bơdìh, jơnau kờñ blơi phan sa jun tus tơn tàm hìu uă rlau lơh broă ngui phan đù dùl dơ̆ tai gơguh uă nisơna. Lơh mbè lơi nàng rcang sơndră kòp geh cồng nha mơkung gam gàr niam tiah ơm kis, tơrmù ƀà tuh tơlik sồ siă đù? Do kung là jơnau sồr broă lơh “Đơs ờ mờ ding jồp đù” bơh Bộ Tài nguyên mờ Môi trường bal mờ Tập đoàn Nestle Việt Nam sơnđờm mut lơh tàm drim ngai 16/7.

Broă lơh đơs ờ mờ ding jồp đù geh bơyai lơh tàm 2 tơngai. Tơngai dơ̆ 1 bơh nhai 7 tus nhai 8 nam 2021, broă lơh hòi jà bơta sơm bat tê bal bơh ală mpồl lơh broă, mpồl lơh sa kă bro, gah lơh broă tăc phan drơng ala phan sa mhar, kơphê, anih lơh lơma, ală anih tăc trà sữa ngui ală phan bơna sàng kloh ala ding jồp đù bè tŭ do. Tơngai dơ̆ 2 geh bơyai lơh bơh nhai 8 tus nhai 12 nam 2021 geh lam lơh dùl ròt ală broă lơh lơh jat “Broă lơh lơh mbè lơi ai Dunia in sàng goh rlau” lơh pràn broă mblàng yal tus mờ kơnòm dềt, kơnòm bơsram, hìu bơsram tơrmù ƀà broă ngui ding jồp đù.

Cau mblàng K’Hạnh