VOV4.K’ho- Ngai òr 9/5, tàm Hìu bơsram kấp pe kòn cau N’Trang Lơng, ồng Phùng Xuân Nhạ, Bộ trưởng Bộ Giáo dục mờ Đào tạo neh geh dơ\ lơh broă mờ gah bơto bơtê càr Dăk Nông.  

Pơndu\t dơ\ lơh broă, Bộ trưởng Bộ Giáo dục mờ Đào tạo đơs niam ngan ală lơh ngan sơrlèt gan kal ke bơh càr Dăk Nông dê tàm broă tơnguh uă cồng nha bơto bơtê. Bộ trưởng tơngkah: kơnòl tềng đăp mat là Dăk Nông pal rcăng niam ai dơ\ pơrlòng jơh bơsram kấp pe dà lơgar nam 2019 in, gàr niam ờdo ờdă, di jơnau sồr.

Tu\ đòm jat lam lơh jat broă lơh bơto bơtê phổ thông pa, jơh bal kơnòm bơsram mờ cau pơgru ndrờm pal rcăng lài, đòm jat niam nùs nhơm bơceh pa tàm tu\ bơsram mờ bơto, càr pal bơyai lơh bơto pơlam, mblàng yal ai mpồl cau pơgru in.

Dăk Nông pal geh ală gùng dà broă lơh krà` cê jơh nùs rlau tai tàm broă tam gơl pa, rơndăp tăp sèng gah bơto bơtê nàng bơsong jơnau kal ke ờ tơl pơgru tu\ do, tơnguh uă cồng nha mpồl cau pơgru. Bộ Giáo dục mờ Đào tạo geh sền swì bơsong ală jơnau dan bơh càr dê mờ dan mờ Chính phủ, ală bộ, gah lơh broă dà lơgar geh gơrềng nàng bơsong.

Cau mblàng Lơ Mu K’Yến